IPL 2024: నేడు మధ్యాహ్నం RCB vs KKR మ్యాచ్.. బెంగళూరుకు డూ ఆర్ డై మ్యాచ్
ABN , Publish Date - Apr 21 , 2024 | 08:28 AM
వరుసగా ఐదు మ్యాచ్‌ల్లో ఓటమిని చవిచూసిన రాయల్ ఛాలెంజర్స్ బెంగళూరు నేటి మ్యాచ్‌లో కోల్‌కతా నైట్ రైడర్స్‌తో తలపడనుంది. కోల్‌కతాలోని ఈడెన్ గార్డెన్స్‌లో మధ్యాహ్నం 3.30 గంటలకు ఈ మ్యాచ్ జరగనుంది. అయితే ఈ మ్యాచులో ఏ జట్టు గెలుస్తుందనే అంచనాలను ఇక్కడ చుద్దాం.
ఐపీఎల్ 2024(IPL 2024)లో నేడు 36వ మ్యాచ్ కోల్‌కతా నైట్ రైడర్స్(Kolkata Knight Riders), రాయల్ ఛాలెంజర్స్ బెంగళూరు(Royal Challengers Bengaluru) జట్ల మధ్య జరగనుంది. కోల్‌కతాలోని ఈడెన్ గార్డెన్స్‌లో మధ్యాహ్నం 3.30 గంటలకు ఈ మ్యాచ్ జరగనుంది. KKR జట్టు అద్భుతమైన ఫామ్‌లో ఉండగా, మరోవైపు రాయల్ ఛాలెంజర్స్ బెంగళూరు జట్టు పేలవమైన ఫామ్‌లో ఉంది.
పాయింట్ల పట్టికలో కోల్‌కతా నైట్ రైడర్స్ జట్టు రెండో స్థానంలో ఉండగా, రాయల్ ఛాలెంజర్స్ బెంగళూరు జట్టు చివరి స్థానంలో అంటే 10వ స్థానంలో ఉంది. ఇలాంటి పరిస్థితుల్లో ఈ మ్యాచులోనైనా గెలవాలని RCB జట్టు భావిస్తుండగా, KKR సైతం మళ్లీ గెలిచి అగ్రస్థానంలోనే నిలవాలని చూస్తోంది.
ఈ క్రమంలో ఈడెన్ గార్డెన్స్ మైదానంలో KKR, RCB మధ్య నేడు హోరాహోరీ మ్యాచ్ జరగనుంది. KKR హోమ్ గ్రౌండ్ కావడంతో వారికి ప్లస్ అని చెప్పవచ్చు. అయితే ఈ మైదానంలో అవుట్‌ఫీల్డ్ వేగంగా ఉన్నందున పరుగులు చేయడం చాలా సులభం. రాజస్థాన్, కేకేఆర్ మధ్య ఈ మైదానంలో జరిగిన చివరి గేమ్‌లో 447 పరుగులు నమోదయ్యాయి. కోల్‌కతా నిర్దేశించిన 224 పరుగుల లక్ష్యాన్ని రాజస్థాన్ ఛేదించింది. ఇక గూగుల్ గెలుపు అంచనాల ప్రకారం ఈ మ్యాచులో RCB గెలిచేందుకు 42 శాతం అవకాశం ఉండగా, KKR జట్టు గెలిచేందుకు 58 శాతం అవకాశం ఉంది.
ఐపీఎల్‌లో ఇప్పటివరకు ఈడెన్ గార్డెన్స్(eden gardens) మొత్తం 89 మ్యాచ్‌లకు ఆతిథ్యం ఇచ్చింది. ఇందులో 53 మ్యాచ్‌ల్లో పరుగుల వేటలో జట్టు గెలుపొందగా, 48 మ్యాచ్‌ల్లో తొలుత బ్యాటింగ్ చేసిన జట్టు మైదానంలోకి దిగింది. అంటే స్టాటిస్టిక్స్ గేమ్‌లో ఛేజింగ్‌ టీమ్‌దే ఆధిపత్యం. మొదట బ్యాటింగ్ చేసిన ఈ మైదానంలో సగటు స్కోరు 161. IPL 2024లో RCB పరిస్థితి చాలా దారుణంగా ఉంది. ఇప్పటి వరకు ఆడిన 7 మ్యాచ్‌ల్లో కేవలం ఒక మ్యాచ్‌లో మాత్రమే విజయం సాధించగా, ఈ జట్టు 6 మ్యాచ్‌ల్లో ఓటమిని చవిచూసింది. బెంగళూరు ప్లేఆఫ్ రేసులో నిలవాలంటే, KKRపై తప్పక గెలవాలి. మరోవైపు కోల్‌కతా మళ్లీ గెలుపు ట్రాక్‌లోకి రావాలని కోరుకుంటోంది.
రాయల్ ఛాలెంజర్స్ బెంగళూరు(Royal Challengers Bengaluru) ప్రాబబుల్ ప్లేయింగ్ 11 ఫాఫ్ డు ప్లెసిస్ (C), విరాట్ కోహ్లీ, విల్ జాక్వెస్, రజత్ పాటిదార్, కెమెరూన్ గ్రీన్, దినేష్ కార్తీక్ (WK), మహిపాల్ లోమ్రోర్, లాకీ ఫెర్గూసన్, మహ్మద్ సిరాజ్, కర్ణ్ శర్మ, ఆకాష్ దీప్.
కోల్‌కతా నైట్ రైడర్స్(Kolkata Knight Riders) ప్రాబబుల్ ప్లేయింగ్ 11 ఫిల్ సాల్ట్, సునీల్ నరైన్, అంగ్క్రిష్ రఘువంశీ, శ్రేయాస్ అయ్యర్ (C), ఆండ్రీ రస్సెల్, రింకూ సింగ్, వెంకటేష్ అయ్యర్, రమణదీప్ సింగ్, మిచెల్ స్టార్క్, వరుణ్ చక్రవర్తి, హర్షిత్ రాణా.
ఇది కూడా చదవండి:
వినేశ్‌.. చలో పారిస్‌ రీతిక, అన్షు కూడా..
మరిన్ని క్రీడా వార్తల కోసం
