CPM: సీతారాం ఏచూరీ సంతాపసభ

నల్గొండ జిల్లా: సీపీఎం అఖిల భారత కార్యదర్శి సీతారాం ఏచూరి మరణం ప్రజాస్వామికశక్తులకు తీవ్ర దిగ్భాంతిని కలిగించిందని ఆ పార్టీ జిల్లా కార్యదర్శి ముదిరెడ్డి సుధాకర్‌రెడ్డి అన్నారు. గురువారంనాడు సీపీఎం జిల్లా కార్యాలయంలో సీతారాం ఏచూరీ సంతాపసభను నిర్వహించారు. అందరూ రెండు నిమిషాలు మౌనం పాటించి సంతాపం తెలిపారు. ఈ సందర్భంగా ముదిరెడ్డి సుధాకర్‌రెడ్డి మాట్లాడుతూ విద్యార్థి ఉద్యమం నుంచి పార్టీ ప్రధాన కార్యదర్శి వరకు అంచలంచెలుగా ఎదిగిన సీతారాం ఏచూరీ పోరాట జీవితాన్ని గుర్తుచేశారు. 1997, 2019లో నల్లగొండ లో జరిగిన పార్టీ రాష్ట్ర మహాసభల్లో.. వివిధ సందర్భాలలో నిర్వహించిన పోరాటాలలో సీతారాం ఏచూరీ స్వయంగా పాల్గొన్నారని తెలిపారు. 1994, 1996, 1999, 2004, 2009, 2014, 2018, 2019, 2023లలో జరిగిన ఉమ్మడి రాష్ట్రంలో, తెలంగాణలో జరిగిన ఎన్నికల సభల్లో జిల్లాలో పలు ప్రాంతాలలో పాల్గొన్నారన్నారు. 2015లో తెలంగాణా సమగ్రాభివృద్ది, బిసి సబ్‌ప్లాన్‌, ప్రవేట్‌ రంగంలో రిజర్వేషన్లు అమలు చేయాలని కోరుతూ నల్లగొండలో జరిగిన బహిరంగసభలో ప్రధానకార్యదర్శిగా ఎన్నికైన మొదటి బహిరంగసభ అని అన్నారు.