ఆదివాసీ దినోత్సవంలో గిరిజనులతో సీఎం చంద్రబాబు..

అమరావతి: అంతర్జాతీయ గిరిజన దినోత్సవం సందర్భంగా ముఖ్యమంత్రి నారా చంద్రబాబు నాయుడు శుక్రవారం విజయవాడ తుమ్మలపల్లి కళాక్షేత్రంలో జరిగిన ఆదివాసీ దినోత్సవానికి హాజరై గిరిజనులతో మమేకమయ్యారు. పాడేరు గిరిజన కళాకారుల సంప్రదాయ థింసా నృత్యంలో పాల్గొని వారితో కలిసి స్పెప్పులేశారు. గిరిజనులతో కలిసి సందడి చేశారు. ఆ తర్వాత డప్పు కొట్టి గిరిజనులను ఉత్సాహ పరిచారు. వివిధ వేషధారణలతో వచ్చిన వారితో కలిసి ఫోటోలు దిగుతూ.. ముచ్చటించారు. అనంతరం ఆదివాసీల జీవనశైలికి సంబంధించిన పనిముట్లతో ఎర్పాటు చేసిన ప్రదర్శనను సీఎం చంద్రబాబు తిలకించారు. ఎగ్జిబిషన్‌లో ఏర్పాటు చేసిన ఉత్పత్తులు.. వాటి వివరాలను స్వయంగా అడిగి తెలుసుకున్నారు.