Stock Market: స్టాక్ మార్కెట్ల దూకుడు.. సెన్సెక్స్ 716 పాయింట్లు జంప్

దేశీయ స్టాక్‌ మార్కెట్లలో(Stock markets) ఈరోజు ట్రేడింగ్‌ జోరుగా ప్రారంభమైంది. అంటే మార్చి 1న సెన్సెక్స్, నిఫ్టీ రెండు బెంచ్‌మార్క్ సూచీలు గ్రీన్ మార్క్‌లో ప్రారంభమయ్యాయి. ప్రారంభ ట్రేడింగ్‌లో సెన్సెక్స్ 408.70 పాయింట్ల (0.56%) లాభంతో 72,908.99 స్థాయికి చేరుకుంది. అదే సమయంలో నిఫ్టీ 138.20 పాయింట్ల (0.63%) పెరుగుదలతో 22,121.00 వద్ద ఉంది. ఈ క్రమంలో ఉదయం 10.30 గంటల ప్రాంతంలో సెన్సెక్స్ 716 పాయింట్ల పెరుగుదలతో 73,316.58 వద్ద, నిఫ్టీ 216 పాయింట్ల లాభంతో 22,199 వద్ద ట్రేడవుతున్నాయి.

ఈ నేపథ్యంలో ప్రస్తుతం JSW స్టీల్, టాటా స్టీల్, లార్సెన్, BPCL, ONGC కంపెనీల స్టాక్స్ టాప్ 5 లాభాల్లో ఉండగా..అపోలో హాస్పిటల్, సిప్లా, డాక్టర్ రెడ్డీస్ ల్యాబ్స్, ఇన్ఫోసిస్, దివిస్ ల్యాబ్స్ సంస్థల స్టాక్స్ టాప్ 5 నష్టాల్లో ఉన్నాయి. దీంతోపాటు టాటా స్టీల్, హిండాల్కో, బీపీసీఎల్, బజాజ్ ఆటో, హీరో మోటోకార్ప్ షేర్లు లాభపడగా, అపోలో హాస్పిటల్స్, ఇన్ఫోసిస్, సన్ ఫార్మా, నెస్లే ఇండియా, సిప్లా షేర్లు నష్టాలతో ట్రేడవుతున్నాయి.

స్టాక్ మార్కెట్ డేటా ప్రకారం విదేశీ సంస్థాగత పెట్టుబడిదారులు (FIIలు) క్యాపిటల్ మార్కెట్లో నికర కొనుగోలుదారులు గురువారం రూ.3,568.11 కోట్ల విలువైన షేర్లను కొనుగోలు చేశారు. ఈ క్రమంలో అదానీ గ్రూప్‌కు చెందిన అన్ని కంపెనీల షేర్లు వేగంగా ట్రేడవుతున్నాయి. దీని కారణంగా అదానీ గ్రూప్ మార్కెట్ క్యాప్ రూ.16.5 లక్షల కోట్లకు మించి పెరిగింది. మరోవైపు ఆసియా, అంతర్జాతీయ మార్కెట్ సూచీలు కూడా గ్రీన్‌లోనే కొనసాగుతున్నాయి.

మరిన్ని తాజా వార్తల కోసం ఇక్కడ క్లిక్ చేయండి: Anant Ambani: అనంత్ అంబానీ, రాధిక మర్చంట్ ప్రీ వెడ్డింగ్ వేడుకలో రిహన్నా రిహార్సల్ వీడియో లీక్