Gold and Silver Rates Today: ఏడాది చివరి రోజు తగ్గిన బంగారం, వెండి రేట్లు

పసిడి ప్రియులకు గుడ్ న్యూస్. కొత్త సంవత్సరానికి ముందే బంగారం (gold), వెండి (silver) ధరలు మళ్లీ తగ్గుముఖం పట్టాయి. నిన్న పెరిగిన ధరలు, ఈరోజు మాత్రం తగ్గుముఖం పట్టాయి. ఈ నేపథ్యంలో నేడు (డిసెంబర్ 31న) ఉదయం 6.20 గంటల నాటికి 22 క్యారెట్ల 10 గ్రాముల బంగారం ధర రూ.71,660కు చేరగా, 24 క్యారెట్ల బంగారం ధర 10 గ్రాములకు రూ.78,160కి చేరుకుంది. ఇది నిన్న 24 క్యారెట్ల బంగారం ధరతో పోలిస్తే 100 రూపాయలకుపైగా తగ్గింది. ఇక నేటి వెండి ధరల గురించి మాట్లాడితే కిలో వెండి ధర రూ.92,300కి చేరింది.

ఎక్కడెక్కడ ఎలా ఉన్నాయంటే..

ఈ క్రమంలో తెలుగు రాష్ట్రాలైన హైదరాబాద్, విజయవాడలో 24 క్యారెట్ల 10 గ్రాముల గోల్డ్ రేటు రూ. 76,460కి చేరుకోగా, 22 క్యారెట్ల 10 గ్రాముల పుత్తడి ధర రూ. 70,088కు చేరింది. దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ. 76,210కి చేరుకోగా, 22 క్యారెట్ల 10 గ్రాముల బంగారం ధర రూ. 69,859కి చేరింది.

మరోవైపు యూపీ రాజధాని లక్నోలో 10 గ్రాముల 22 క్యారెట్ల బంగారం ధర రూ. 71,660కి చేరగా, 24 క్యారెట్ల బంగారం ధర 10 గ్రాములకు రూ. 78,160 స్థాయిలో ఉంది. అయోధ్యలో కూడా 22 క్యారెట్ గోల్డ్ రేటు రూ. 78,160 కాగా, 24 క్యారెట్ పసిడి రూ. 71,660గా ఉంది. అయితే రానున్న రోజుల్లో బంగారం ధరలు మరింత పెరిగే అవకాశం ఉందని మార్కెట్ వర్గాలు చెబుతున్నాయి.

ఏడాదిలో ఎంత పెరిగాయంటే..

అయితే జనవరి 2024లో 24 క్యారెట్ల 10 గ్రాముల బంగారం ధర రూ. 63,870గా ఉండగా, ఇప్పుడు మాత్రం డిసెంబర్ 31, 2024 నాటికి ఇదే గోల్డ్ రేటు 10 గ్రాములకు రూ.78,160కు చేరుకుంది. అంటే ఏడాదిలో 14,290 రూపాయలు పెరిగింది. ఇక వెండి ధరల విషయానికి వస్తే జనవరి 1, 2024న ఢిల్లీలో కిలో వెండి ధర రూ. 78,600 ఉండగా, ప్రస్తుతం ఈ ధర డిసెంబర్ 31, 2024న రూ.92,300గా ఉంది. ఈ రేటు సంవత్సరంలో 13,700 రూపాయలు పుంజుకుంది. గోల్డ్ ధరతో పాటు వెండి కూడా దాదాపు సమానంగా పెరగడం విశేషం.

బంగారం రేట్ల విషయంలో

దేశంలో బంగారం ధరలు భారత రూపాయి విలువ మార్పు, US డాలర్‌ల మధ్య మారకం రేటు, స్థానిక డిమాండ్ వంటి అంశాల కారణంగా మారుతుంటుంది. ప్రపంచ ఆర్థిక పరిణామాలతో సహా అనేక కీలకమైన అంశాలు భారతదేశంలో బంగారం ధరలను ఎక్కువగా ప్రభావితం చేస్తాయి. అయితే మీరు బంగారంలో పెట్టుబడి పెట్టాలని ఆలోచిస్తున్నట్లయితే రోజువారీ బంగారం ధర గురించి మళ్లీ సమాచారాన్ని తెలుసుకుని నిర్ణయం తీసుకోండి మరి.

గమనిక: పైన పేర్కొన్న బంగారం, వెండి ధరలు ఎప్పటికప్పుడూ మారుతుంటాయి. కాబట్టి వీటిని కొనుగోలు చేసే ముందు మళ్లీ రేట్లు తెలుసుకోవాలని సూచన. వీటిలో GST, TCS వంటి ఇతర ఛార్జీలు కలిగి ఉండవు.

ఇవి కూడా చదవండి:

Major Changes: 2025లో బిగ్ ఛేంజేస్.. తెలుసుకోకుంటే మీకే నష్టం..

Personal Finance: జస్ట్ నెలకు రూ. 3500 సేవ్ చేస్తే.. రూ. 2 కోట్లు మీ సొంతం..

Investment Tips: రూ. 20 వేల శాలరీ వ్యక్తి.. ఇలా రూ. 6 కోట్లు సంపాదించుకోవచ్చు..

Personal Finance: రూ. 10 వేల పొదుపుతో రూ. 7 కోట్ల సంపాదన.. ఎలాగో తెలుసా..

Read More Business News and Latest Telugu News