PM Modi: చిన్నారి 'భరతమాత'కు మోదీ అభివాదం

నిర్మల్: తెలంగాణ అసెంబ్లీ ఎన్నికల (Telangana Assembly polls) ప్రచారంలో భాగంగా నిర్మల్‌ (Nirmal)లో ఆదివారంనాడు ప్రధానమంత్రి నరేంద్ర మోదీ (Narendra Modi) పాల్గొన్న ర్యాలీలో ఓ ఆసక్తికరమైన సన్నివేశం చోటుచేసుకుంది. ర్యాలీకి హాజరైన ఓ చిన్నారి ప్రధాని దృష్టికి ఆకట్టుకుంటుంది. ఆయన చేతులు ఊపుతూ ఆ చిన్నారికి అభివాదం చేశారు. అందుకు ప్రతిగా ఆ చిన్నారి సైతం చేతులోని మువ్వన్నెల జెండాను ఊపుతూనే ఆయనకు తిరిగి అభివాదం చేసింది.

భరతమాత వేషంలో ర్యాలీకి వచ్చిన చిన్నారిని ఆమె తల్లిదండ్రులు ఎత్తుకోగా, ఆ పాప మువ్వన్నెల జెండాను రెపరెపలాడించింది. ఇది గమనించి ప్రధాని వేదికపై నుంచే చేతులు ఊపుతూ 'వెల్ డన్ బేటా' అంటూ అభినందించారు. చిన్నారి భరతమాతకు ఆయన నమస్తే చెప్పారు. ఇందుకు ప్రతిగా ఆ పాప సైతం ప్రధానికి నమస్తే చెప్పింది. దీంతో బీజేపీ కార్యకర్తలు, ర్యాలీకి హాజరైన ప్రజానీకంలో మరింత ఉత్సాహం తొంగిచూసింది.