Mutthi Reddy: టీఎస్ఆర్టీసీ చైర్మన్‌గా బాధ్యతలు చేపట్టిన ముత్తిరెడ్డి
ABN , First Publish Date - 2023-10-08T16:02:04+05:30 IST
టీఎస్ఆర్టీసీ చైర్మన్‌గా ముత్తిరెడ్డి యాదగిరిరెడ్డి (Mutthi Reddy Yadagiri Reddy) ఆదివారం నాడు బస్ భవన్‌లో బాధ్యతలు చేపట్టారు.
హైదరాబాద్: టీఎస్ఆర్టీసీ చైర్మన్‌గా ముత్తిరెడ్డి యాదగిరిరెడ్డి (Mutthi Reddy Yadagiri Reddy) ఆదివారం నాడు బస్ భవన్‌లో బాధ్యతలు చేపట్టారు. ఈ కార్యక్రమంలో ఎండీ సజ్జనార్ పాల్గొన్నారు. ఈ సందర్భంగా ముత్తిరెడ్డి మీడియాతో మాట్లాడుతూ..‘‘సీఎం కేసీఆర్, మంత్రి కేటీఆర్ నాయకత్వంలో టీఎస్ఆర్టీసీ సంస్థ అగ్రగామిగా ఎదిగింది. సీఎం కేసీఆర్ తన మీద నమ్మకంతో బాధ్యతలు అప్పజెప్పినందుకు.. సంస్థ అభివృద్ధికి కృషి చేస్తాను. ఉద్యోగులతో సమన్వయంగా కలిసి పని చేస్తాను. సంస్థను నంబర్ వన్‌గా నిలుపుతాను. ఒకప్పుడు ఎక్కడుంది తెలంగాణ అనేవాళ్లకు.. ఇప్పుడు తెలంగాణను సీఎం కేసీఆర్ గ్లోబల్ సిటీగా మార్చారు. జనగామను మంత్రి కేటీఆర్ డైరెక్షన్‌లో దేశంలోనే టాప్ 3 మున్సిపాలిటీగా తీర్చిదిద్దానని ముత్తిరెడ్డి యాదగిరిరెడ్డి పేర్కొన్నారు.
