Bike Stunt Fail: ఒంటికి నిప్పంటించుకుని బైక్‌తో సహా నీళ్లలో పడాలన్నది ప్లాన్.. కానీ జరగకూడనిదే జరిగింది..!

బైక్ స్టంట్లు (Bike Stunts) చేసే వాళ్లు ఎన్నో జాగ్రత్తలు తీసుకుంటారు. అయినా ఒక్కోసారి ప్రమాదాలకు గురవుతుంటారు. ఒక్కోసారి ప్రాణాలు కూడా కోల్పోతారు. ఒక్కోసారి తీవ్రంగా గాయపడుతుంటారు. ప్రస్తుతం వైరల్ అవుతున్న ఓ వీడియోలో ఓ బైకర్ చేసిన స్టంట్ దారుణంగా ఫెయిల్ (Bike Stunt Fail) అయింది. దీంతో ఆ బైకర్ గాయాలపాలయ్యాడు. ఆ వీడియో చూడడానికే చాలా భయానకంగా ఉంది. ఆ వీడియో సోషల్ మీడియాలో హల్‌చల్ (Viral Video) చేస్తోంది.

@clipsthatgohard అనే ట్విటర్ హ్యాండిల్‌లో ఈ వీడియో షేర్ అయింది. ఆ వీడియోలో, ఒక బైకర్ తన దుస్తులకు నిప్పంటించి (Fire) బైక్ స్టంట్‌ చేయడానికి ప్రయత్నించాడు. అతను అధిక వేగంతో లాంచ్ ప్యాడ్ నుంచి గాల్లోకి దూకాడు. అయితే లాంచ్ ప్యాడ్ నుంచి దూకగానే బ్యాలెన్స్ కోల్పోయి బైక్‌పై పట్టు కోల్పోయాడు. ఆ మంటలతో పాటు పక్కనే ఉన్న నీటి కొలనులో దూకాలనేది బైకర్ ప్లాన్. అయితే స్టంట్ ఫెయిల్ కావడంతో అతడు చాలా దూరం వెళ్లిపోయి నేలపై పడిపోయాడు.

Viral News: ఫుల్ బాటిల్ ఖాళీ చేసి మొత్తం మర్చిపోయాడు.. దొంగ చేతికి తాళాలిచ్చాడు.. ఉదయం లేచి చూసేసరికి..

అతడి దుస్తులకు పూర్తిగా మంటలు అంటుకున్నాయి. అతడు తీవ్ర గాయాలపాలయ్యాడు. ప్రస్తుతం ఆ వీడియో సోషల్ మీడియాలో బాగా వైరల్ అవుతోంది. ఈ వీడియోను ఇప్పటివరకు దాదాపు 32 లక్షల మంది వీక్షించారు. ఈ వీడియోపై తమదైన శైలిలో కామెంట్లు చేస్తున్నారు. అతడికి ఏమైందని ఆరాలు తీస్తున్నారు.