Allu Aravind: అక్కడ చోటు దక్కించుకోవడం చిన్న విషయం కాదు!

‘ఆర్‌ఆర్‌ఆర్‌’ (RRR- Oscar nominations) సినిమాకు కచ్చితంగా ఆస్కార్‌ వస్తుందని అగ్ర నిర్మాత అల్లు అరవింద్‌ (allu aravind comments on RRR) అన్నారు. తాజాగా ఇచ్చిన ఓ ఇంటర్వ్యూలో ఆయన ఆసక్తికర విషయాలు తెలిపారు. ఆస్కార్‌ నామినేషన్‌లో (Oscar nominations) చోటు దక్కించుకోవడమన్నది చిన్న విషయం కాదు. ఇది సినిమా పరిశ్రమకు గొప్ప ప్రోత్సాహంలాంటిది అని ఆయన అన్నారు. ప్రపంచవ్యాప్తంగా ‘ఆర్‌ఆర్‌ఆర్‌’ సాధించిన ఘనతను భారతీయులంతా కలిసి సెలబ్రేట్‌ (RRR celebrations Time) చేసుకోవాలన్నారు.

ఆయన మాట్లాడుతూ ‘‘ఆర్‌ఆర్‌ఆర్‌’ సినిమా ప్రతిష్ఠాత్మకమైన గోల్డెన్‌ గ్లోబ్‌ (Golden globe award) అవార్డు గెలుచుకుంది. ఆస్కార్‌ నామినేషన్‌లో కూడా స్థానం సంపాదించుకుంది. తప్పకుండా ఆస్కార్‌ కూడా గెలుచుకుంటుందనే నమ్మకం నాకుంది. ఆ అవార్డు రాజమౌళి సినిమాకు వచ్చిన గుర్తింపుగానే కాకుండా తెలుగు సినిమాకు, భారతీయ సినిమాకు దక్కిన గౌరవంగానూ చూడాలి. మన దేశం నుంచి ఓ సినిమా అంతర్జాతీయ స్థాయికి చేరినందుకు మనమంతా గర్వించాలి. ‘ఆర్‌ఆర్‌ఆర్‌’ సాధిస్తున్న అరుదైన విజయాలను ఆస్వాదించాలని అల్లు అరవింద్‌ కోరారు.

‘ఆర్‌ఆర్‌ఆర్‌’ చిత్రంలోని ‘నాటు నాటు’ సాంగ్‌ బెస్ట్‌ ఒరిజినల్‌ సాంగ్‌ కేటగిరీలో ఆస్కార్‌కు నామినేట్‌ అయిన సంగతి తెలిసిందే. ప్రస్తుతం ఈ చిత్రం ఆస్కార్‌కు అడుగు దూరంలో ఉంది. మార్చి 13న జరగనున్న ఆస్కార్‌ వేడుక కోసం సినీ ప్రియులంతా ఎదురుచూస్తున్నారు. భారతీయులంతా ఈ అవార్డ్‌ ఆర్‌ఆర్‌ఆర్‌కు దక్కాలని కోరుకుంటున్నారు. రామ్‌ చరణ్‌, తారక్‌ హీరోలుగా నటించిన ఈ చిత్రాన్ని డి.వి.వి. దానయ్య నిర్మించారు.