రోజు రోజుకూ పెరుగుతున్న వయసును దాయడం ఎవరి తరమూ కాదు. అయితే కొన్ని జాగ్రత్తలు తీసుకుంటే మాత్రం కాస్త వయసు త్వరగా మీద పడకుండా, ముఖం మీద ముడతలు రాకుండా చూసుకోవచ్చు. 50 ఏళ్ల వయసులో కూడా 25 ఏళ్లుగా కనిపించేలా జపనీయులు ఏం తింటారు? వాళ్ళ స్మార్ట్‌నెస్, అందం వెనుక రహస్యం ఏమిటి.

జపనీస్ ప్రజలను చూసిన తర్వాత తరచుగా ఈ ప్రశ్న గుర్తుకు వస్తుంది. మనం కూడా ముఖంపై వయస్సు ప్రభావాన్ని తగ్గించుకోవాలనుకుంటే, వారిలాగే ఆరోగ్యకరమైన జీవనశైలిని అలవర్చుకోవాలి. ఎందుకంటే ఈ జీవన విధానం జపనీయులను అందంగా మార్చడమే కాకుండా, వారి వయస్సును తగ్గిస్తుంది. ముఖ్యంగా దీనివల్లే వారు ఎక్కువ కాలం జీవిస్తారు. మామూలుగా కొందరు వయసు పెరుగుతున్నా కూడా చిన్న వాళ్ళలానే కనిపిస్తారు. దీనికి వాళ్ళు తీసుకునే జాగ్రత్తలు ఏమిటి. అదే తెలుసుకుందాం.

మెరిసే చర్మం కావాలంటే జపనీస్ డైట్‌ని అనుసరించండి.

జపనీయులు ప్రపంచవ్యాప్తంగా ఆహారంలో, క్రమబద్దమైన జీవనశైలికి చాలా ప్రసిద్ధి చెందారు. వీరి ఆహారం చాలా సమతుల్యంగా ఉంటుంది. ఇది చర్మం, వయస్సు రెండూ అందంగా ఉండటానికి కారణం అవుతుంది. కాబట్టి జపనీస్ ప్రజల ప్రధాన రహస్యాలను తెలుసుకుందాం, దీని కారణంగానే వారి వయస్సు చాలా తక్కువగా కనిపిస్తుంది.

ఇది కూడా చదవండి: లావు తగ్గాలనే ప్రయత్నాల్లో.. పొరపాటున కూడా ఈ మిస్టేక్‌ను మాత్రం అస్సలు చేయొద్దు.. అదే జరిగితే..!

ఆహారాన్ని నమిలి, నెమ్మదిగా తినండి.

జపనీయులు తినడానికి కూర్చున్నప్పుడు, నెమ్మదిగా తింటారు, నమలడాన్ని ఆనందిస్తారు. తన కుటుంబం, స్నేహితులతో సమయాన్ని ఇస్తూ, అల్పాహారం, భోజనం లేదా రాత్రి భోజనం కుటుంబం సభ్యులతోనే చేస్తారు. ఇది పరస్పర సంభాషణకు దారి తీస్తుంది. వారి మధ్య సంబంధాలు కూడా బలపడుతాయి. ఈ విధంగా, వారు ఆనందంగా ఉన్నప్పుడు ఆహారం తింటారు, దాని కారణంగా ఆహారం బాగా జీర్ణమవుతుంది. రెండు విషయాలు ఆరోగ్యానికి మంచివిగా భావిస్తారు.

జీవన శైలి..

జపాన్ ప్రజలు కడుపు నింపుకోవడానికి మాత్రమే ఆహారం తీసుకుంటారు. తీసుకునే ఆహారపదార్థాలు చాలా తక్కువ పరిమాణంలో ఉంటాయి. దీని కారణంగా, అదనపు కేలరీలు లేకుండా వారి ఆహారం పూర్తవుతుంది. తిన్నదానికి తగినంత వ్యాయామం కూడా క్రమం తప్పకుండా చేస్తారు. అందుకే ఎంత వయసు పెరుగుతున్నా కూడా ఇంకా ఆరోగ్యంగా, చురుగ్గా ఉంటారు.