RK Roja: ఆరోగ్యం, ఆనందానికి క్రీడలు దోహదం చేస్తాయి

విజయవాడ: ఆరోగ్యం, ఆనందానికి క్రీడలు దోహదం చేస్తాయని ఆంధ్రప్రదేశ్ రాష్ట్ర క్రీడా శాఖ మంత్రి ఆర్కే రోజా ( Minister RK Roja ) వ్యాఖ్యానించారు. శుక్రవారం నాడు ‘‘ఆడుదాం ఆంధ్రా’’పై మంత్రి ఆర్కే రోజా, శాప్ చైర్మన్ భైరెడ్డి సిద్ధార్థ రెడ్డి మీడియా సమావేశం నిర్వహించారు. ఈ సందర్భంగా ఆర్కే రోజా మాట్లాడుతూ... దేశంలో ఏ ముఖ్యమంత్రి చేపట్టని విధంగా ఏపీ ముఖ్యమంత్రి జగన్మోహన్‌రెడ్డి ‘‘ఆడుదాం ఆంధ్రా’’ కార్యక్రమం చేపట్టారని తెలిపారు. సచివాలయం, మండల, నియోజకవర్గం, జిల్లా, రాష్ట్ర స్థాయిలో క్రీడలు నిర్వహిస్తున్నామని తెలిపారు. 50రోజుల పాటు ఈ క్రీడలు జరగనున్నాయని అన్నారు. 12కోట్ల రూపాయల బహుమతులు అందిస్తున్నట్లు తెలిపారు. 100కోట్ల రూపాయలు ఆడుదాం ఆంధ్రా కార్యక్రమంకి కేటాయించినట్లు ప్రకటించారు. యువతను క్రీడల్లో ప్రోత్సహించడం కోసం ఈ కార్యక్రమం చేపడుతున్నామని తెలిపారు. ఆడపిల్లలు క్రీడాల్లో రాణించాలని సూచించారు. ఆన్‌లైన్‌, సచివాలయాల్లో ఈ క్రీడాల్లో పాల్గొనే వాళ్లు నమోదు చేసుకోవాలని మంత్రి ఆర్కే రోజా వెల్లడించారు.