మహిళా ప్రయాణికులకు టీజీఎస్‌ ఆర్టీసీ గుడ్‌న్యూస్‌..

హైదరాబాద్‌, నవంబర్ 13: తెలంగాణ మహిళా ప్రయాణికులకు టీజీఎస్‌ ఆర్టీసీ గొప్ప శుభవార్త అందించింది. ఇప్పటికే ‘మహాలక్ష్మి’ పథకం కింద పల్లెవెలుగు, ఆర్డినరీ, ఎక్స్‌ప్రెస్‌ బస్సుల్లో ఉచిత ప్రయాణ సౌకర్యాన్ని కల్పిస్తున్న సంస్థ.. తాజాగా ఏసీ బస్సుల్లోనూ రాయితీ ప్రకటించింది. మంత్లీ బస్‌ పాస్‌ తీసుకునే మహిళలు ఇకపై 15 రోజుల ఛార్జీ చెల్లిస్తే.. నెలరోజుల పాటు ఏసీ బస్సుల్లో ప్రయాణించే అవకాశం కల్పించింది. దీంతో ఏసీ బస్సుల్లో ప్రయాణించాలనుకునే మహిళలకు ఆర్థిక భారం తగ్గనుంది. సాధారణ బస్సులతో పాటు ఏసీ సర్వీసుల్లోనూ రాయితీ అందుబాటులోకి రావడంతో మహిళా ప్రయాణికులకు మరింత వెసులుబాటు కలగనుంది. రోజూ ఉద్యోగాలు, వ్యాపారాలు, ఇతర అవసరాల కోసం ప్రయాణించే మహిళలకు ఈ నిర్ణయం ప్రయోజనకరంగా ఉండనుంది.

మరోవైపు.. బస్‌ పాస్‌ వినియోగదారులను ప్రోత్సహించేందుకు టీజీఎస్‌ ఆర్టీసీ మరిన్ని ప్రయోజనాలను ప్రకటించింది. మొత్తం 9 రకాల రాయితీలను అందుబాటులోకి తీసుకొస్తున్నట్లు వెల్లడించింది. ప్రయాణికులకు అందుబాటు ధరల్లో మెరుగైన రవాణా సౌకర్యాలు కల్పించడంతో పాటు బస్‌ పాస్‌ల వినియోగాన్ని పెంచడమే ఈ నిర్ణయాల వెనుక ప్రధాన ఉద్దేశంగా కనిపిస్తోంది. ఇప్పటికే మహిళలకు ఉచిత ప్రయాణం ద్వారా ఆదరణ పొందుతున్న ఆర్టీసీ.. తాజాగా ఏసీ బస్సుల్లో రాయితీలు, ఇతర పాస్‌ సదుపాయాలతో మరింత మందికి చేరువయ్యే ప్రయత్నం చేస్తోంది. ప్రకటించిన కొత్త ఆఫర్లు శనివారం నుంచి అమల్లోకి వస్తాయని సంస్థ స్పష్టం చేసింది.

ఈ వార్తలు కూడా చదవండి

మహారాష్ట్రలో రన్‌వే నుంచి పక్కకు దూసుకెళ్లిన విమానం..

ఇలాంటి దీపావళి చూస్తానని అనుకోలేదు.. యువతి ఆవేదన