పార్కులో పసికందు మృతదేహం.. పోలీసుల దర్యాప్తు
ABN , Publish Date - Jul 01 , 2026 | 09:16 AM
రంగారెడ్డి జిల్లా మైలార్దేవ్పల్లి పోలీసు స్టేషన్ పరిధిలో హృదయ విదారక ఘటన చోటు చేసుకుంది. స్థానిక పార్కులో సుమారు ఐదు నెలల శిశువు మృతదేహాన్ని స్థానికులు గుర్తించారు.
హైదరాబాద్, జులై 01: రంగారెడ్డి జిల్లా మైలార్దేవ్పల్లి పోలీసు స్టేషన్ పరిధిలో హృదయ విదారక ఘటన చోటు చేసుకుంది. బుధవారం ఉదయం స్థానిక పార్కులో సుమారు ఐదు నెలల శిశువు మృతదేహాన్ని స్థానికులు గుర్తించారు. పోలీసులకు సమాచారం అందించారు. పోలీసులు పార్కు వద్దకు చేరుకుని ఆ మృతదేహాన్ని స్వాధీనం చేసుకుని.. పోస్టుమార్టం నిమిత్తం ఆసుపత్రికి తరలించారు.
దీనిపై మైలార్దేవ్పల్లి పోలీసులు కేసు నమోదు చేసి దర్యాప్తు చేపట్టారు. అందులో భాగంగా సీసీ టీవీ ఫుటేజ్ను పోలీసులు పరిశీలిస్తున్నారు. ఆ మృతదేహాన్ని గుర్తు తెలియని మహిళ పార్కులో వదిలి పరారైనట్లు పోలీసులు అనుమానిస్తున్నారు. శిశువు మృతదేహాన్ని చూసి స్థానికులు తీవ్ర దిగ్భ్రాంతి వ్యక్తం చేశారు.
ఈ వార్తలు కూడా చదవండి..
పల్నాడులో ఘోర రోడ్డు ప్రమాదం.. ముగ్గురి సజీవ దహనం
మాటలు రాకపోయినా మాయ చేసింది.. చిన్నారి పాటకు సోషల్ మీడియా ఫుల్ ఫిదా
