ఐసీసీ సంచలన నిర్ణయం.. భారత్ లేకుండా టీ20 టోర్నీ

స్పోర్ట్స్ డెస్క్: క్రికెట్ ప్రియులకు మరో క్రేజీ న్యూస్ వచ్చింది. జైషా నాయకత్వంలోని ఇంటర్నేషనల్ క్రికెట్ కౌన్సిల్(ICC) చారిత్రాత్మక నిర్ణయం తీసుకుంది. త్వరలో ఇంగ్లండ్ వేదికగా జరగనున్న మహిళల టీ20 ప్రపంచ కప్-2026కు ముందు ఓ సరికొత్త టోర్నీని ఐసీసీ ప్రకటించింది. ఈ కొత్త టోర్నమెంట్ టీ20 ఫార్మాట్‌లో ఉండనుంది. మహిళల కోసం ఐసీసీ ప్రకటించిన ఈ నయా టోర్నీకి టీ20 ఛాలెంజ్‌గా నామ‌క‌ర‌ణం చేశారు.

అసోసియేట్ దేశాలకు చెందిన జ‌ట్లకు తగిన గుర్తింపును కల్పించడమే ల‌క్ష్యంగా ఈ టోర్నీని ఐసీసీ ప్రారంభించింది. అందుకే ఈ టోర్నమెంట్‌లో భారత్, ఇంగ్లండ్, ఆస్ట్రేలియా, సౌతాఫ్రికా, వెస్టిండీస్, న్యూజిలాండ్, శ్రీలంక వంటి అగ్రశ్రేణి జట్లు పాల్గొనవు. ఈ టోర్నీ మొదటి సీజన్ రువాండాలోని కిగాలీ నగరంలో జరగనుంది. ఈ ఐసీసీ టీ20 ఛాలెంజ్ టోర్నీలో మొత్తం ఐదు జ‌ట్లు పాల్గొననున్నాయి.

డబుల్ రౌండ్-రాబిన్ ఫార్మాట్‌లో ఈ టోర్నీ ఏప్రిల్ 18 నుంచి మే 1 వ‌ర‌కు జ‌ర‌గ‌నుంది. ప్రతి జట్టు ఇతర జట్లతో రెండేసి సార్లు తలపడుతుంది. గ్రూప్ దశలో ఒక్కో జట్టుకు 8 మ్యాచ్‌లు లభిస్తాయి. పాయింట్ల పట్టికలో అగ్రస్థానంలో నిలిచిన జట్టు విజేతగా నిలుస్తుంది. ఈ ఐసీసీ మహిళల టీ20ఐ ఛాలెంజ్ తొలి ఎడిషన్ రువాండ(ఆఫ్రికా) , ఇటలీ(యూరప్), నేపాల్(ఆసియా), యూఎస్ఏ(అమెరికా), వనౌటు(ఈస్ట్ ఆసియా-పసిఫిక్) అనే ఐదు జట్ల మధ్య జరగనుంది .

ఇవి కూడా చదవండి:

నా దగ్గర మాటల్లేవు.. ఓటమిపై స్పందించిన హార్దిక్ పాండ్య

టీ20 ప్రపంచ కప్: క్రికెట్ కెనడాపై ఫిక్సింగ్ ఆరోపణలు.. చర్యలకు దిగిన ఐసీసీ!