టెడ్డీ డే గురించి ఈ విషయాలు మీకు తెలుసా..

ఇంటర్నెట్ డెస్క్: ప్రతి సంవత్సరం ఫిబ్రవరి 10న టెడ్డీ డే జరుపుకుంటారు. ఇది కేవలం బొమ్మలు ఇచ్చే రోజు కాదు.. ప్రేమ, ఆప్యాయత వ్యక్తపరచుకునే ఒక ప్రత్యేక సందర్భం. ఈ రోజున ప్రేమికులు టెడ్డీ బేర్లను బహుమతిగా ఇస్తూ తమ భావాలను వ్యక్తపరుస్తారు. అయితే, టెడ్డీ డే వాలెంటైన్స్ వీక్‌లో ఎలా భాగమైంది? టెడ్డీ డే ఎందుకు జరుపుకుంటారు? టెడ్డీ డే చరిత్ర ఏమిటి? అనే విషయాలు ఇప్పుడు తెలుసుకుందాం..

టెడ్డీ డే ఎందుకు జరుపుకుంటారు..

టెడ్డీ బేర్లు ప్రేమ, ఆప్యాయత, అమాయకత్వాన్ని సూచించే మృదువైన బొమ్మలు. ఇవి ఒత్తిడిని తగ్గించడానికి, ఆనందాన్ని పెంచడానికి, సంబంధాలను బలోపేతం చేయడానికి సహాయపడతాయి. ప్రేమికులు టెడ్డీ బేర్‌ను ప్రేమకు చిహ్నంగా భావించి, దానిని బహుమతిగా ఇస్తారు.

టెడ్డీ డే చరిత్ర:

1902లో అమెరికా అధ్యక్షుడు థియోడర్ రూజ్‌వెల్ట్ తన సహాయకుడితో కలిసి వేటకు వెళ్లారు. అక్కడ, రూజ్‌వెల్ట్ గాయపడిన ఎలుగుబంటిని చంపకుండా విడిచిపెట్టారు. ఈ సంఘటనను ఆధారంగా తీసుకుని, కార్టూనిస్ట్ క్లిఫోర్డ్ బెర్రీమాన్ ఒక కార్టూన్ వేసారు. ఈ కార్టూన్ చూసిన బొమ్మల తయారీదారు మారిస్ మిచ్చమ్.. ఎలుగుబంటి ఆకారంలో ఒక బొమ్మ తయారుచేసి టెడ్డీ బేర్ అని పేరు పెట్టాడు. అధ్యక్షుడు రూజ్‌వెల్ట్ ముద్దుపేరు టెడ్డీ కాబట్టి టెడ్డీ అనే పేరు పెట్టారు. అతను ఆ బొమ్మను అధ్యక్షుడు రూజ్‌వెల్ట్‌కు అంకితం చేశారు. తరువాత ఇది బాగా ప్రాచుర్యం పొందింది. అదనంగా, టెడ్డీ బేర్ ప్రేమకు చిహ్నంగా మారింది. ఫిబ్రవరి 10, వాలెంటైన్స్ వీక్‌లోని నాల్గవ రోజున టెడ్డీ డేను జరుపుకోవడం ప్రారంభించారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

థాయ్ మసాజ్ ప్రత్యేకత ఏమిటో మీకు తెలుసా?

పానిక్ అటాక్‌ని ఎలా గుర్తించాలో తెలుసా?

For More Latest News