పాక్ వ్యాపారి వినూత్న ట్రిక్ వైరల్.. పకోడీలు వేస్తూనే టీ తయారీ..

సోషల్ మీడియాలో ప్రతి రోజూ ఎన్నో వీడియోలు వైరల్ అవుతుంటాయి. ఎవరైనా వినూత్నంగా ఆలోచించి చేసే పనులకు సంబంధించిన వీడియోలు చాలా మందిని ఆకట్టుకుంటుంటాయి. తాజాగా పాకిస్థాన్‌కు చెందిన ఓ చిరు వ్యాపారి వినూత్నంగా టీ తయారు చేసిన తీరు నెటిజన్లను ఆశ్చర్యానికి గురిచేస్తోంది. పకోడీలు వేస్తున్న కడాయిలోనే టీ తయారు చేసిన అతడి ట్రిక్ ఇప్పుడు సోషల్ మీడియాలో చర్చనీయాంశంగా మారింది (Pakistan street vendor).

వైరల్ అవుతున్న ఆ వీడియోలో ఒక వ్యక్తి పెద్ద కడాయిలో నూనె మరిగిస్తూ పకోడీలు వేస్తున్నాడు. అదే సమయంలో ఆ కడాయిలోని నూనెలో ఓ పాత్రను ఉంచి అందులో టీ మరిగిస్తున్నాడు. ఇలా ఒకేసారి రెండు పనులు చేస్తూ సమయం, ఇంధనం ఆదా చేస్తున్నాడు. ఈ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది. ఆ వ్యాపారి ట్రిక్‌పై సోషల్ మీడియాలో భిన్నాభిప్రాయాలు వ్యక్తమవుతున్నాయి (Pakora tea trick).

ఈ వీడియో చూసిన కొందరు 'ఒకే దెబ్బకు రెండు పనులు పూర్తి చేశాడు' అంటూ వ్యాపారి తెలివిని ప్రశంసించారు (Pakistan viral video). మరికొందరు మాత్రం ఈ విధానం పరిశుభ్రత, ఆహార భద్రత పరంగా సరైనది కాదంటూ వ్యాఖ్యానించారు. పాక్‌లో ప్రస్తుతం వంట గ్యాస్ కొరత తీవ్రంగా ఉందని, అందుకే చాలా మంది ఇలాంటి ట్రిక్‌లు ఉపయోగిస్తున్నారని ఇంకొందరు కామెంట్లు చేశారు.

ఇవి కూడా చదవండి..

నెతన్యాహు ఓ వార్ క్రిమినల్.. అమెరికా ప్రభుత్వం అరెస్ట్ చేయాలి: న్యూయార్క్ మేయర్

పసిడి ధరలు మరికొంత పెరిగాయ్.. ఈ రోజు మీ నగరంలో ఎలా ఉన్నాయంటే..