మహారాష్ట్రలో ఉగ్రరూపం దాల్చిన గాలులు.. వీడియో వైరల్

ఇంటర్నెట్ డెస్క్: మహారాష్ట్రలోని ప్రముఖ పర్యాటక ప్రాంతమైన మల్షేజ్ ఘాట్‌లో వీస్తున్న అత్యంత బలమైన గాలులకు సంబంధించిన ఓ వీడియో ప్రస్తుతం సోషల్ మీడియాలో వైరల్ అవుతోంది. ఈ క్లిప్‌లో గాలి తీవ్రత ఎంత ఎక్కువగా ఉందంటే.. రోడ్డుపై వెళ్తున్న ద్విచక్ర వాహనదారులు తమ వాహనాలను కంట్రోల్ చేసుకునేందుకు నానా తంటాలు పడ్డారు. గాలి తాకిడికి బైకులు కిందపడిపోయే పరిస్థితి రావడంతో, వేరే దారిలేక వారంతా రోడ్డు పక్కన ఆగిపోవాల్సి వచ్చింది. దట్టమైన పొగమంచు కారణంగా రహదారిపై ఏమీ కనిపించకపోవడం అక్కడి నాటకీయ పరిస్థితులను మరింత తీవ్రంగా మార్చింది.

ఈ వీడియోలో ఓ వ్యక్తి రోడ్డుపై నడుస్తూ.. బలమైన గాలులను తట్టుకోవడానికి పోరాడుతున్న దృశ్యం అందరినీ ఆశ్చర్యపరుస్తోంది. ఒకానొక సమయంలో గాలి వేగానికి అతను వెనక్కి వస్తూ.. బ్యాలెన్స్ కోల్పోయి ముందడుగు వేయలేకపోయారు.

కల్యాణ్-అహ్మద్‌నగర్ హైవే(NH-61) వెంబడి పుణే-ఠాణే సరిహద్దులో ఉన్న మల్షేజ్ ఘాట్, మహారాష్ట్రలోనే పర్యాటక ప్రాంతాలలో ఒకటి. పుణే నుంచి సుమారు 120 కిలోమీటర్ల దూరంలో ఉండే ఈ పర్వత మార్గం, వర్షాల సమయంలో పచ్చని లోయలు, జలపాతాలు, పొగమంచు కొండలతో వేలాది మందిని ఆకర్షిస్తుంది. అయితే.. ఈ వైరల్ వీడియో రికార్డ్ అయిన కచ్చితమైన తేదీ ధ్రువీకరణ కానప్పటికీ, వర్షాకాలంలో వాతావరణం ఎంత అనూహ్యంగా, ప్రమాదకరంగా మారుతుందో చెప్పడానికి ఈ దృశ్యాలే ప్రత్యక్ష ఉదాహరణగా నిలుస్తున్నాయి.

ఈ వార్తలనూ చదవండి:

నా వంట నేనే చేసుకుంటా.. తిహాడ్ జైల్లోని అమెరికన్ ఖైదీ పిటిషన్

వరద నీటిలో 900 పాములు.. నరకం చూస్తున్న చైనా ప్రజలు..