అదుపు తప్పి పడిపోయిన స్కూల్ వ్యాన్.. పిల్లలు సేఫ్

ఇంటర్నెట్ డెస్క్: పిల్లలతో వెళుతున్న ఓ స్కూల్ వ్యాన్ అదుపు తప్పి రోడ్డుపై నుంచి దిగువన ఉన్న మరో రోడ్డుపై పడిన ఘటన యూపీలో వెలుగు చూసింది. ఈ ఘటనలో పిల్లలు క్షేమంగా ఉండటంతో అంతా ఊపిరి పీల్చుకున్నారు. ఘాజియాబాద్‌లో గురువారం ఈ ఘటన వెలుగు చూసింది.

జాతీయ మీడియా కథనాల ప్రకారం, ఉదయం 7.30 గంటల సమయంలో ఈ ప్రమాదం జరిగింది. ఆ సమయంలో వ్యాన్‌ను లఖన్ అనే వ్యక్తి డ్రైవ్ చేస్తున్నాడు. వ్యాన్‌లో 13-14 ఏళ్ల వయసున్న నలుగురు పిల్లలు ఉన్నారు. చిన్నారుల తల్లిదండ్రులే ఈ వ్యాన్‌ను ఏర్పాటు చేసుకున్నారు. ప్రతాప్ నగర్‌లో వెళుతుండగా వ్యాన్ అదుపు తప్పి రోడ్డుపై నుంచి దిగువన ఉన్న మరో రోడ్డుపై పడిపోయింది. అయితే, ఈ ఘటనలో ఎవరికీ ఎలాంటి గాయాలు కాలేదు. పిల్లలు ఆ తరువాత యథాప్రకారం స్కూల్‌కు వెళ్లారు. ఇందుకు సంబంధించిన దృశ్యాలు సీసీటీవీ కెమెరాలో రికార్డయ్యాయి.

మరోవైపు, ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. వ్యాన్ అకస్మాత్తుగా అదుపు తప్పడానికి కారణం ఏంటో తెలుసుకునేందుకు ప్రయత్నిస్తున్నారు.

ఈ వార్తలనూ చదవండి:

2029 ప్రధాని అభ్యర్థి రేసు: రాహుల్ గాంధీ వర్సెస్ సీఎం విజయ్?

76 ఏళ్ల వయసులోనూ ఫిట్‌గా, ఆరోగ్యంగా మోదీ.. ప్రధాని డైట్ సీక్రెట్ ఏంటో తెలుసా?