వెలిగొండ ప్రాజెక్ట్ ఫేజ్-1 ప్రారంభం.. జాతికి అంకితం చేసిన సీఎం చంద్రబాబు

వెలిగొండ ప్రాజెక్ట్ ఫేజ్-1ను ముఖ్యమంత్రి చంద్రబాబు నాయుడు ప్రారంభించారు. ఎర్రగొండపాలెం నియోజకవర్గం గంటవానిపల్లి సమీపంలో వెలిగొండ ఫీడర్ కెనాల్ వద్ద కృష్ణాజలాలకు సీఎం జలహారతి ఇచ్చారు. నీళ్లలోకి దిగి కృష్ణమ్మకు హారతి ఇచ్చి పసుపు, కుంకుమ, చీరను సమర్పించారు. వెలిగొండ ప్రాజెక్ట్ పైలాన్‌ను ఆవిష్కరించి జాతికి అంకితం చేశారు. సీఎం చంద్రబాబు.. రైతులతో బటన్ నొక్కించి వెలిగొండ ప్రాజెక్టు ఫీడర్ కెనాల్ వద్ద గేట్లు ఎత్తించి నల్లమలసాగర్‌కు నీటిని విడుదల చేశారు. జలహారతి ఇచ్చే ప్రదేశం వద్ద గిరిజన మహిళలు, చిన్నారులు లంబాడా నృత్యం అందరినీ ఆకట్టుకుంది.