ఆహారంలో తీపి ఆరోగ్యంపై ప్రభావం

నేటి ఆధునిక జీవనశైలిలో పిల్లల ఆహారపు అలవాట్లు వేగంగా మారుతున్నాయి. చాక్లెట్లు, ఐస్‌క్రీంలు, కూల్‌డ్రింక్స్‌ వంటివి పిల్లలకు ఇష్టమైన పదార్థాలుగా మారిపోయాయి. అయితే, పిల్లలకు ఇచ్చే ఆహారంలో చక్కెర స్థాయిలు తగ్గించడం అనేది వారి భవిష్యత్తు ఆరోగ్యంపై పెట్టే ఒక గొప్ప పెట్టుబడి. చిన్నతనంలో అలవడే ఆహారపు అలవాట్లే వారు పెద్దయ్యాక ఎదుర్కొనే ఆరోగ్య సమస్యలను నిర్ణయిస్తాయి.

హైపర్‌ యాక్టివిటీకి ప్రధాన కారణం

• చక్కెర: చాలామంది తల్లిదండ్రులు గమనించే విషయం ఏంటంటే తీపి పదార్థాలు తిన్న తర్వాత పిల్లలు అకస్మాత్తుగా అతిగా ఉత్సాహాన్ని ప్రదర్శిస్తారు. దీనినే ‘షుగర్‌ రష్‌’ అంటారు.

• శక్తి హెచ్చుతగ్గులు: పంచదార ఎక్కువగా తీసుకుంటే రక్తంలో గ్లూకోజ్‌ స్థాయిలు ఒక్కసారిగా పెరుగుతాయి. దీనివల్ల వారు హైపర్‌ యాక్టివ్‌గా మారి కంట్రోల్‌ తప్పడం, ఏకాగ్రత కోల్పోవడం వంటివి చేస్తారు.

• చిరాకు, నీరసం: పెరిగిన శక్తిస్థాయిలు అంతే వేగంగా పడిపోయినప్పుడు పిల్లలు విపరీతమైన చిరాకు, అలసట, కోపాన్ని ప్రదర్శిస్తారు.

ప్యాక్‌ చేసిన ఆహారంతో ముప్పు

మనం ఆరోగ్యకరం అని భావించే అనేక ప్యాక్‌ చేసిన ఆహార పదార్థాలలో చక్కెర భారీ స్థాయిలో ఉంటుంది.

• లేబుల్స్‌ గమనించండి: బయట దొరికే జ్యూస్‌ ప్యాకెట్లు, ఎనర్జీ డ్రింక్స్‌, బిస్కెట్లలో మనకు తెలియకుండానే ‘హిడెన్‌ షుగర్స్‌’ ఉంటాయి. ఇవి ఊబకాయం, చిన్న వయసులోనే మధుమేహం వచ్చే ప్రమాదాన్ని పెంచుతాయి.

• తాజా పండ్ల రసాలే మేలు: ప్యాక్‌ చేసిన జ్యూస్‌లకు బదులుగా ఇంట్లోనే తయారుచేసిన తాజా పండ్ల రసాలను అందించండి. పండ్లలో ఉండే సహజసిద్ధమైన పీచు పదార్థం ఆరోగ్యాన్ని ఇస్తుంది.

• సహజసిద్ధమైన తీపి: పిల్లలకు పూర్తిగా తీపిని దూరం చేయలేం. కాబట్టి తెల్ల చక్కెరకు బదులుగా బెల్లం, ఖర్జూరం, ఎండుద్రాక్ష వంటి సహజ సిద్ధమైన తీపి పదార్థాలను అలవాటు చేయండి.

• దీర్ఘకాలిక ప్రభావాలు: అధిక చక్కెర వినియోగం కేవలం దంత సమస్యలకే పరిమితం కాదు. ఇది రోగ నిరోధక శక్తిని తగ్గిస్తుంది. మెదడు ఎదుగుదలను మందగింపజేస్తుంది. భవిష్యత్తులో గుండె సంబంధిత సమస్యలకు కారణం అవుతుంది.

• హైపర్‌ యాక్టివిటీ: పంచదార ఎక్కువగా తీసుకుంటే పిల్లల్లో శక్తి ఒక్కసారిగా పెరిగి వారు కంట్రోల్‌ తప్పడం, చిరాకు పడటం వంటివి చేస్తారు.

• ప్రత్యామ్నాయ స్వీట్లు: ఇంట్లోనే తయారుచేసిన లడ్డూలు (బెల్లంతో చేసినవి), ఖర్జూరం, ఎండుద్రాక్ష వంటి సహజసిద్ధమైన తీపిని అలవాటు చేయండి.

• ప్యాక్‌ చేసిన ఆహారం: బయట దొరికే జ్యూస్‌ ప్యాకెట్లు, బిస్కెట్లలో దాగి ఉండే చక్కెర గురించి అవగాహన పెంచుకోండి. వీలైనంత వరకు తాజా పండ్ల రసాలనే అందించండి.

ఇవి కూడా చదవండి...

కేసీఆర్‌పై చర్యలు తీసుకోరా.. సీఎం రేవంత్‌‌కు బండి సంజయ్ సూటిప్రశ్న

మూసీ పునరుజ్జీవన ప్రాజెక్టు.. భూసేకరణ షురూ..

Read Latest Telangana News And Telugu News