క్వినోవా తిందాం...

క్వినోవా తినడం వల్ల కలిగే ఆరోగ్య ప్రయోజనాలేంటో చూద్దాం...

• దీనిలో పీచు, ప్రొటీన్లు పుష్కలంగా ఉంటాయి. అందుకే కొద్ది పరిమాణంలో తిన్నప్పటికీ కడుపు నిండిన భావన కలుగుతుంది. చాలాసేపటి వరకు ఆకలి అనిపించదు. దీంతో క్రమంగా శరీర బరువు నియంత్రణలోకి వచ్చేస్తుంది.

• క్వినోవాలోని పీచు.. జీర్ణాశయాన్ని, ప్రేగులను శుభ్రం చేస్తుంది. రోజూ తగినంత నీటిని తాగుతుంటే కడుపులో తేలికగా ఉన్న భావన కలుగుతుంది.

• మొదట్లో క్వినోవాని ఎక్కువ పరిమాణంలో తినకూడదు. అలా తింటే కడుపు ఉబ్బరం, గ్యాస్‌ సమస్యలు వేధిస్తాయి. కొద్ది కొద్దిగా తింటూ అలవాటు చేసుకుంటే ఏ సమస్య రాదు. రోజూ అన్నం వండేటప్పుడు బియ్యంలో కొద్దిగా క్వినోవాను కలిపితే ప్రయోజనకరంగా ఉంటుంది.

• క్వినోవా తిన్నప్పుడు రక్తంలో గ్లూకోజ్‌ నెమ్మదిగా కలుస్తుంటుంది. దీంతో మధుమేహం అదుపులోకి వస్తుంది.

• క్వినోవాలో మెగ్నీషియం, పాస్ఫరస్‌, మాంగనీస్‌, ఐరన్‌ లాంటి ఖనిజాలు అధికంగా ఉంటాయి. ఇవి శరీరానికి కావాల్సిన పోషణను అందిస్తాయి.

• క్వినోవాలో గ్లూటెన్‌ ఉండదు. దీని గ్లైసెమిక్‌ ఇండెక్స్‌ కూడా చాలా తక్కువ. అందుకే శరీరంలో కొలెస్ట్రాల్‌, రక్తపోటు, ట్రై గ్లిజరైడ్‌ స్థాయిలను తగ్గించి గుండె ఆరోగ్యానికి తోడ్పడుతుంది.

ఇవి కూడా చదవండి...

రక్షిత అడవులు.. ఏనుగులకు సురక్షిత ఆవాసాలే లక్ష్యం: డిప్యూటీ సీఎం పవన్

చంద్రబాబు.. నిజమైన అభివృద్ధికి చిరునామా: రాష్ట్రపతి ద్రౌపది ముర్ము

Read Latest AP News And Telugu News