ఎక్కిళ్లు తగ్గేదెలా..?

అకస్మాత్తుగా వచ్చే ఎక్కిళ్లను వెంటనే తగ్గించే చిట్కాలివే...

• నాలుకపై కొద్దిగా చక్కెర వేసుకుని మూడు సెకన్లు అలాగే ఉండాలి. ఆపైన నెమ్మదిగా మింగాలి. దీంతో గొంతులోని నరాలు ఉత్తేజితమై ఎక్కిళ్లను తగ్గిస్తాయి.

• గ్లాసులో చల్లటి నీళ్లను తీసుకుని స్ట్రా సహాయంతో నెమ్మదిగా సిప్‌ చేయాలి. లేదంటే నోట్లో పోసుకుని పుక్కిలించాలి. వెంటనే ఎక్కిళ్లనుంచి ఉపశమనం కలుగుతుంది.

• ఒక పేపర్‌ బ్యాగ్‌ను ముక్కుకు దగ్గరగా పెట్టుకుని నెమ్మదిగా శ్వాస తీసుకుంటూ వదలాలి. ఇలా నాలుగైదుసార్లు చేస్తే బ్యాగ్‌లో కార్బన్‌డయాక్సైడ్‌ చేరుతుంది. దీని ప్రభావంవల్ల ఊపిరితిత్తుల్లోని డయాఫ్రమ్‌ అనే కండరం కొద్దిగా సడలి ఎక్కిళ్లు మాయమవుతాయి.

• చిన్న నిమ్మకాయ ముక్కను నోట్లో వేసుకుని చప్పరించినా వెంటనే ఫలితం కనిపిస్తుంది.

• నాలుక చివరను రెండు వేళ్లతో గట్టిగా పట్టుకుని బయటికి లాగితే గొంతులోని కండరాలు ఉద్దీపన చెంది ఎక్కిళ్లు తగ్గుతాయి.

• ఎక్కిళ్లు వస్తున్నప్పుడు దీర్ఘంగా శ్వాస తీసుకుని వీలైనంతసేపు బిగపట్టి ఉంచి ఆపైన నెమ్మదిగా వదలితే ప్రయోజనం ఉంటుంది.

• ముక్కును రెండు వేళ్లతో మూసి నోటిని కూడా మూసుకుని బుగ్గల నిండా గాలిని పూరిస్తే ఎక్కిళ్లు మాయమవుతాయి.

• నేలపై కూర్చుని రెండు మోకాళ్లను ఛాతి వద్దకు తీసుకువచ్చి కొద్దిగా ముందుకు వంగితే ఎక్కిళ్లు తగ్గిపోతాయి.

ఈ వార్తలు కూడా చదవండి...

గుజరాత్‌కు ఎన్నాళ్లు గులాంలుగా ఉంటారు?: సీఎం రేవంత్‌

ప్రతి నియోజకవర్గంలో అంబేడ్కర్ నాలెడ్జ్ సెంటర్ ఏర్పాటు చేస్తాం: భట్టి విక్రమార్క

Read Latest Telangana News And AP News And National News