కుండీలో మిర్చి మొక్కలు
ABN , Publish Date - Nov 05 , 2026 | 04:44 AM
పచ్చిమిర్చి మొక్కలను ఇంటి పరిసరాల్లో, మిద్దెతోటలో లేదా బాల్కనీ కుండీలో సులువుగా పెంచుకోవచ్చు. ఆ వివరాలు...
పచ్చిమిర్చి మొక్కలను ఇంటి పరిసరాల్లో, మిద్దెతోటలో లేదా బాల్కనీ కుండీలో సులువుగా పెంచుకోవచ్చు. ఆ వివరాలు...
కనీసం పన్నెండు అంగుళాల లోతు ఉన్న వెడల్పాటి కుండీని తీసుకుని అడుగున రెండు రంధ్రాలు చేయాలి. అందులో సగానికి పైగా మట్టి, కొద్దిగా ఇసుక, తగినంత కంపోస్టు, కోకోపిట్‌ వేసి బాగా కలపాలి. ఈ మిశ్రమం తడిచేలా నీటిని పోయాలి. ఆపైన ఇంట్లో ఉన్న ఎండు మిర్చి లేదా పచ్చిమిర్చి గింజలను చల్లి రోజుకు రెండుసార్లు నీటిని చిలకరిస్తుంటే వారంలోపు చిన్న మొలకలు వచ్చేస్తాయి. ఈ మొలకలు నాలుగు నుంచి అయిదు అంగుళాలు పెరిగిన తరువాత వేర్వేరు కుండీల్లోకి మార్చాలి. ఒక్కో కుండీలో రెండు మొక్కలను మాత్రమే నాటాలి.
కుండీల్లో మట్టి తడారినట్లనిపిస్తేనే కొద్దిగా నీటిని చిలకరించాలి.
మొక్కలు పొడవుగా పెరుగుతున్నప్పుడు వాటి పై భాగాన్ని తుంచేస్తుండాలి. అప్పుడే కాండానికి అన్ని పక్కల నుంచి కొమ్మలు పెరిగి మొక్క గుబురుగా మారుతుంది.
పూలు పూస్తున్న సమయంలో ఈ మొక్కలకు రోజూ కనీసం ఆరు గంటలు ఎండ తగిలేలా చూడాలి. లేనిపక్షంలో పూలు రాలిపోతాయి. ఈ పూల నుంచే పచ్చి మిరపకాయలు గుత్తులు గుత్తులుగా కాస్తాయి.
ఇవి కూడా చదవండి:
WPL 2027 షెడ్యూల్ రిలీజ్.. తొలి మ్యాచ్ ముంబై వర్సెస్ ఆర్సీబీ
అర్ష్‌దీప్ సింగ్‌కు టెస్టుల్లోనూ అవకాశం ఇవ్వండి: గావస్కర్
సచిన్ టెండూల్కర్ రికార్డు బద్దలు.. కోహ్లీ సరికొత్త చరిత్ర!