క్యాన్సర్‌ కారకాలు మన ఇళ్లలోనే

ఇంటి బయటి క్యాన్సర్‌ కారకాల నుంచి తప్పించుకోలేం! కానీ ఇంటి లోపలి క్యాన్సర్‌ కారకాల నుంచి తప్పించుకోవచ్చు. కాబట్టి మన ఇళ్లలో తిష్ఠ వేసుకున్న ఆ కారకాలను వెతికి, వదిలించుకుందాం!

ప్లాస్టిక్‌ డబ్బాలు: ప్లాస్టిక్‌ వేడెక్కకుండా ఉన్నంత కాలం వాటితో ప్రమాదం ఉండదనుకుంటే పొరపాటు. కొన్ని ప్లాస్టిక్స్‌ చల్లగా ఉన్నా వాటిలోని బిస్ఫినాల్‌ఎ, థాలేట్స్‌ను విడుదల చేస్తూనే ఉంటాయి. హార్మోన్ల హెచ్చుతగ్గులకు కారణమయ్యే ఈ విషపూరిత రసాయనాలు దీర్ఘకాలంలో క్యాన్సర్లకు దారి తీస్తాయి

నాన్‌ స్టిక్‌: పాతవైనా, దెబ్బతిన్నవైనా వాటి పైపూతల నుంచి, పాలీఫ్లోరోఆల్కైల్‌ అనే ఫరెవర్‌ కెమికల్స్‌ విడుదల అవుతూనే ఉంటాయి. పాలీఫ్లోరోఆల్కైల్‌కు బహిర్గతమవడం వల్ల, మూత్రపిండాలు, వృషణాల క్యాన్సర్‌కు గురయ్యే ప్రమాదం ఉంటుంది

అల్యూమినియం ఫాయిల్‌: ఆమ్లసహిత లేదా ఉప్పుతో కూడిన పదార్థాలతో కలిపి ఈ అల్యూమినియం ఫాయిల్‌ను ఉపయోగం, అల్యూమినియం లీచింగ్‌కు దారి తీస్తుంది. అల్యూమినియంకు ఎక్కువగా బహిర్గతమవడం వల్ల ఆక్సిడేటివ్‌ స్ట్రెస్‌, ఇన్‌ఫ్లమేషన్‌ పెరుగుతాయి.

రిఫైన్డ్‌ నూనెలు: సోయాబీన్‌, కార్న్‌ మొదలైన అత్యధిక రిఫైన్డ్‌ నూనెలు వేడెక్కగానే, సులభంగా ఆక్సిడైజ్‌ అవుతాయి. దాంతో ఆల్డిహైడ్స్‌ అనే విషపూరిత సమ్మేళనాలు ఏర్పడతాయి. ఈ నూనెలతో, దీర్ఘకాలంలో క్యాన్సర్‌ ముప్పు పెరుగుతుంది

ప్లాస్టిక్‌ నీళ్ల సీసాలు: వేసవిలో ప్రతి ఇంట్లో ఫ్రిజ్‌లో ఈ సీసాలు కనిపిస్తూనే ఉంటాయి. కానీ ఈ సీసాలు ఎండకు బహిర్గతమైతే బిస్ఫినాల్‌ఎతో పాటు సూక్ష్మప్లాస్టిక్స్‌, థాలేట్స్‌ను నీళ్లలోకి విడుదల చేస్తాయి. ఇవన్నీ హార్మోన్ల అవకతవకలకూ, క్యాన్సర్‌ ముప్పుకూ దారి తీస్తాయి. కాబట్టి నీళ్ల నిల్వకు బిపిఎ ఫ్రీ కోవకు చెందిన ప్లాస్టిక్‌ డబ్బాలనే వాడుకోవాలి

సెంటెడ్‌ క్యాండిల్స్‌: ఇటీవలి కాలంలో ఈ పోకడ బాగా పెరిగింది. అయితే వీటి నుంచి బెంజీన్‌, టోలీన్‌ మొదలైన విష వాయువులు వెలువడతాయి.

దీర్ఘకాలికంగా వీటికి బహిర్గతమైతే, లుకేమియా ముప్పు పెరుగుతుంది చాపింగ్‌ బోర్డ్స్‌: కత్తితో కోసేటప్పుడు, ఈ బోర్డుల్లోని మైక్రోప్లాస్టిక్స్‌ కూరగాయల్లో కలుస్తాయి. దాంతో తీవ్రమైన ఇన్‌ఫ్లమేషన్‌, క్యాన్సర్‌ ముప్పు పెరుగుతుంది.

ఈ వార్తలు కూడా చదవండి..

మొయినాబాద్‌ డ్రగ్స్ కేసు.. కఠిన చర్యలు తప్పవు: ఈగల్‌ ఎస్పీ గిరిధర్‌

రేవంత్‌రెడ్డి జూనియర్ యోగిలా మారారు.. హరీశ్‌రావు సెటైర్లు

ఫామ్ హౌస్‌లో డ్రగ్స్ పార్టీ గుట్టురట్టు.. 11 మంది అరెస్ట్

Read Latest Telangana News And AP News And International News And Telugu News