బాన పొట్ట కరిగేదెలా..?

శరీరంలో హార్మోన్ల మార్పులు, పోషకాహారం తీసుకోకపోవడం, ఒత్తిడి వల్ల పొట్టలో అధికంగా కొవ్వులు పేరుకుంటూ ఉంటాయి. వీటిని సులువుగా కరిగించే చిట్కాలివే...

• పీచులు అధికంగా ఉండే ఓట్స్‌, మొలకలు, పప్పు ధాన్యాలు, అవిసెలను తరచూ ఆహారంలో చేర్చుకుంటే పొట్టలోని అదనపు కొవ్వులు క్రమంగా కరిగిపోతాయి.

• కోడిగుడ్డు, చేపలు, బీన్స్‌ లాంటి ప్రోటీన్లు పుష్కలంగా లభించే పదార్థాలు తీసుకోవడం వల్ల జీవక్రియలు వేగవంతమై బెల్లీ ఫ్యాట్‌ కరుగుతుంది.

• తక్కువ కేలరీలు, ఎక్కువ పోషకాలు, విటమిన్లతో నిండిన తాజా పండ్లు, కూరగాయలు తీసుకోవడం వల్ల మంచి ఫలితం కనిపిస్తుంది.

• స్వీట్లు, జంక్‌ ఫుడ్‌, కూల్‌డ్రింక్స్‌, ప్రాసెస్‌ చేసిన ఆహార పదార్థాలను పూర్తిగా మానేయాలి. వీటిని తీసుకోవడం వల్ల రక్తంలో చక్కెర, ఇన్సులిన్‌ స్థాయిలు పెరిగి బానపొట్టకు కారణమవుతాయి.

• డీప్‌ బ్రీతింగ్‌, యోగా, ధ్యానం, తేలికపాటి వ్యాయామాలను తరచూ చేస్తూ ఉంటే ఒత్తిడి, ఆందోళన తగ్గి మానసిక ప్రశాంతత చేకూరి సమస్య తీరుతుంది.

• ఉదయం లేదా సాయంత్రం వేళల్లో వాకింగ్‌, రన్నింగ్‌, సైక్లింగ్‌, స్విమ్మింగ్‌, ఏరోబిక్‌ వ్యాయామాలు చేసినా మంచి ప్రయోజనం కనిపిస్తుంది.

• రోజూ కనీసం ఆరుగంటలు ప్రశాంతంగా నిద్రిస్తే శరీరంలో హార్మోన్ల సమతౌల్యం పెరిగి బానపొట్ట తగ్గుతుంది.

ఈ వార్తలు కూడా చదవండి...

మీనాక్షి నటరాజన్ నామినేషన్ రద్దు ప్రజాస్వామ్యంపై దాడి: సీఎం రేవంత్‌రెడ్డి

కిషన్‌రెడ్డి బాధ్యతారహితంగా మాట్లాడుతున్నారు.. మంత్రి ఉత్తమ్ ధ్వజం

Read Latest Telangana News And AP News And National News

And Telugu News