అందానికి అరటి తొక్క

ఎన్నో పోషకాలతో నిండిన అరటి పండు తొక్క... సౌందర్య సాధనంగా ఎలా పనిచేస్తుందో చూద్దాం...

• అరటి తొక్కలో సహజ నూనెలు అధికంగా ఉంటాయి. ఈ తొక్కతో ముఖంపై మృదువుగా మర్దన చేస్తే చర్మం పొడిబారడం తగ్గుతుంది. ముఖం కాంతివంతంగా కనిపిస్తుంది.

• అరటి తొక్కపై కొద్దిగా కొబ్బరినూనె రాసి దానితో ముఖాన్ని రుద్దుకుంటే తగినంత తేమ అంది చర్మం బిగుతుగా మారుతుంది

• మొటిమలపై అరటి తొక్కతో అద్దుతూ ఉంటే రెండు రోజుల్లో అవి మాయమవుతాయి. అరటి తొక్కలోని యాంటీ ఇన్‌ఫ్లమేటరీ గుణాలు, యాంటీ ఆక్సిడెంట్లు కలిసి మరల మొటిమలు రాకుండా కాపాడతాయి. బ్లాక్‌ హెడ్స్‌, వైట్‌ హెడ్స్‌ని నివారిస్తాయి.

• బాగా పండిన అరటిపండు తొక్కతో ముఖంపై గుండ్రంగా రుద్దితే ఎండలో తిరగడం వల్ల ఏర్పడే ట్యాన్‌ తొలగిపోతుంది. ఎండ వల్ల కమిలిన చర్మానికి ఉపశమనం కలుగుతుంది.

• రాత్రి పడుకునేముందు ముఖంపై అరటి తొక్కతో మర్దన చేసుకుంటే చర్మం పొరల్లో కొల్లాజెన్‌ ఉత్పత్తి పెరిగి ముడుతలు, గీతలు మాయమవుతాయి. మురికి, మృతకణాలు తొలగి ముఖం ఛాయగా కనిపిస్తుంది.

• అరటి తొక్కతో కళ్ల చుట్టూ సున్నితంగా రుద్దుతుంటే నల్లని వలయాలు, వాపు, ఉబ్బు లాంటివి తగ్గుతాయి. రక్తప్రసరణ మెరుగై కళ్లు ప్రకాశవంతంగా మెరుస్తుంటాయి.

• పులిపిర్లపై అరటి తొక్క ముక్కను ఉంచి కట్టు కడితే రెండు రోజుల్లో అవి రాలిపోతాయి.

ఇవి కూడా చదవండి...

కృష్ణా డెల్టాకు న్యాయం చేయాలనే పట్టిసీమ చేపట్టాం: సీఎం చంద్రబాబు

జగన్ కడపకు పట్టిన క్యాన్సర్ గడ్డ: మంత్రి లోకేశ్

Read Latest AP News And Telugu News