కోటు, సూటు వేసుకోవడం తప్పా?

• నా మనస్సులాగా డ్రెస్సు కూడా బ్లాక్‌ అండ్‌ వైట్‌.. తిరుచ్చి సభలో విజయ్‌

చెన్నై, జూన్‌ 1 (ఆంధ్రజ్యోతి): ముఖ్యమంత్రిగా తాను కోటు, సూటు ధరించడాన్ని ప్రత్యర్థులు విమర్శించడం విడ్డూరంగా ఉందని టీవీకే అధినేత విజయ్‌ అన్నారు. తన మనస్సులాగే తన డ్రెస్సు కూడా బ్లాక్‌ అండ్‌ వైట్‌ అని వివరించారు. అసెంబ్లీ ఎన్నికల్లో తనను గెలిపించిన తిరుచ్చి ఈస్ట్‌ నియోజకవర్గ ఓటర్లకు కృతజ్ఞతలు తెలిపేందుకు ఏర్పాటైన బహిరంగ సభలో ఆయన ప్రసంగించారు. సమావేశం కోసం భారీ సభావేదిక ఏర్పాటు చేసినా, ఆయన వ్యాన్‌ పైనుంచే అభిమానులు, ప్రజలను ఉద్దేశించి మాట్లాడారు. పెరియార్‌, అన్నాదురై, ఎంజీఆర్‌ బాటలోనే తాను పయనిస్తున్నానన్నారు. 1977లో ఎంజీఆర్‌ సాధించినదానికంటే అత్యధిక ఓట్ల శాతాన్ని సాధించిన ఘనత టీవీకేకు దక్కిందన్నారు. అంతమాత్రాన తనను ఎంజీఆర్‌తో పోల్చుకోవాలని అనుకోవడం లేదని తెలిపారు. డీఎంకే ఓ దుష్టశక్తి అని దుయ్యబట్టారు. ‘‘కొత్త ప్రభుత్వానికి 6నెలల గడువిస్తామన్నారు. కానీ అధికారం చేతిలో లేకపోవడంతో అరగంట కూడా ఆగలేకపోతున్నారు.’’ అని నిప్పులు చెరిగారు. తిరుచ్చిలో ప్రజలకు నచ్చిన వ్యక్తినే పోటీకి దింపుతానని విజయ్‌ పేర్కొన్నారు.

ఇవి కూడా చదవండి...

ఆవులపై ద్వంద్వ ప్రమాణాలు మానండి.. యోగి స్ట్రాంగ్ కౌంటర్

చిక్కుల్లో ఒమర్ అబ్దుల్లా ప్రభుత్వం..! ఎమ్మెల్యేలతో 3న అత్యవసర సమావేశం