SIRపై ఎన్నికల సంఘం కీలక నిర్ణయం

ఢిల్లీ, సెప్టెంబర్ 26: ప్రత్యేక సమగ్ర సవరణ (SIR) ప్రక్రియకు సంబంధించి కేంద్ర ఎన్నికల సంఘం (CEC) కీలక నిర్ణయం తీసుకుంది. SIRకు సంబంధించి నోటీసులు అందుకున్న ఓటర్లు ఇకపై తప్పనిసరిగా బూత్ లెవల్ అధికారులను (BLO) స్వయంగా కలవాల్సిన అవసరం లేదని స్పష్టం చేసింది. ఓటర్లకు మరింత సౌకర్యంగా ఉండేలా ప్రక్రియను సులభతరం చేస్తున్నట్లు తెలిపింది.

నోటీసులు అందుకున్న ఓటర్ల ఇళ్లకే BLOలు వెళ్లి అవసరమైన వివరాలు, పత్రాలను సేకరిస్తారని CEC వెల్లడించింది. ఓటర్లు కార్యాలయాలు లేదా BLOల వద్దకు వెళ్లాల్సిన అవసరం లేకుండా ఇంటి వద్దే ప్రక్రియను పూర్తి చేసుకునే అవకాశం కల్పించింది.

అంతేకాకుండా, ఓటర్లు సమర్పించే అవసరమైన డాక్యుమెంట్లను BLOలే ఆన్‌లైన్‌లో అప్‌లోడ్ చేస్తారని CEC తెలిపింది. దీంతో పత్రాల సమర్పణ, అప్‌లోడ్ విషయంలో ఓటర్లపై అదనపు భారం ఉండదని స్పష్టం చేసింది.

SIR ప్రక్రియలో భాగంగా ఓటర్ల వివరాల పరిశీలన, అర్హతకు సంబంధించిన పత్రాల ధ్రువీకరణ వంటి అంశాలను BLOలు ఇంటింటికీ వెళ్లి చేపట్టనున్నారు. నోటీసులు అందుకున్న ఓటర్లు తమకు అందుబాటులో ఉన్న సంబంధిత పత్రాలను BLOలకు అందిస్తే సరిపోతుందని ఎన్నికల సంఘం పేర్కొంది.

ఈ నిర్ణయం ద్వారా SIR ప్రక్రియలో ఓటర్లకు ఎదురయ్యే ఇబ్బందులను తగ్గించడంతో పాటు, పత్రాల సమర్పణ ప్రక్రియను మరింత సులభతరం చేయాలని CEC భావిస్తోంది.

ఈ వార్తలు కూడా చదవండి

కీవ్‌పై రష్యా డ్రోన్ దాడులు.. ఐదుగురి మృతి, 27 మందికి గాయాలు

కూలిన విమానం.. ఇద్దరు లెఫ్టినెంట్ జనరల్స్ సహా 14 మంది మృతి