టికెట్ కన్ఫర్మ్ కాకపోయినా రైలులో ప్రయాణం చేయొచ్చా?

ఇంటర్నెట్ డెస్క్: అత్యవసరంగా ప్రయాణం చేయాల్సిన పరిస్థితి వచ్చినప్పుడు రైలు టికెట్ కన్ఫర్మ్ కాకపోవడం చాలామందిని ఆందోళనకు గురిచేస్తుంది. భారతీయ రైల్వే నిబంధనల ప్రకారం.. ఆన్‌లైన్‌లో బుక్ చేసుకున్న వెయిటింగ్ లిస్ట్ (WL) టికెట్‌తో రైలులో ప్రయాణించడానికి అనుమతి లేదు. అయితే, కొన్ని ప్రత్యేక పరిస్థితుల్లో కన్ఫర్మ్ టికెట్ లేకపోయినా ప్రయాణించే అవకాశం ఉంది.

ఆఫ్‌లైన్ (కౌంటర్) టికెట్‌:

మీరు రైల్వే రిజర్వేషన్ కౌంటర్ నుంచి వెయిటింగ్ లిస్ట్ టికెట్ తీసుకుని ఉంటే, చార్ట్ తయారైన తర్వాత కూడా మీరు ఆ టికెట్‌తో ప్రయాణించవచ్చు. అయితే, మీకు కన్ఫర్మ్ సీట్ మాత్రం దొరకదు, అడ్జస్ట్ అవ్వాల్సి ఉంటుంది.

RAC టికెట్‌తో ప్రయాణం సాధ్యం:

మీ టికెట్ RAC (రిజర్వేషన్ ఎగైనెస్ట్ క్యాన్సిలేషన్) స్టేటస్‌లో ఉన్నట్లయితే, మీరు రైలు ఎక్కి ప్రయాణించవచ్చు. ఈ సందర్భంలో ఒక బెర్త్‌ను ఇద్దరు ప్రయాణికులు పంచుకోవాల్సి ఉంటుంది. ప్రయాణం ప్రారంభానికి ముందు లేదా మధ్యలో ఎవరైనా టికెట్ రద్దు చేస్తే పూర్తి బెర్త్ లభించే అవకాశం కూడా ఉంటుంది.

టీటీఈ (TTE) ద్వారా అనుమతి: మీ టికెట్ వెయిటింగ్ లిస్ట్‌లో ఉంటే, రైలు ఎక్కిన తర్వాత టీటీఈని కలవాలి. రైలులో ఏవైనా సీట్లు ఖాళీగా ఉంటే, లేదా ఎవరైనా ప్రయాణికులు రాకపోతే, ఆ ఖాళీ సీట్లను మీకు కేటాయించే అవకాశం ఉంటుంది.

చార్ట్ తయారైన తర్వాత కూడా అవకాశం

రైలు బయలుదేరే ముందు ఫైనల్ చార్ట్ సిద్ధం చేసిన తర్వాత కొన్ని సీట్లు ఖాళీగా ఉండవచ్చు. అలాంటి సీట్లను వెయిటింగ్ లిస్ట్ ప్రయాణికులకు కేటాయించే అవకాశం ఉంటుంది. అందువల్ల చివరి క్షణం వరకు టికెట్ స్టేటస్‌ను పరిశీలించడం మంచిది.

గుర్తుంచుకోవాల్సిన విషయం

వెయిటింగ్ లిస్ట్ ఈ-టికెట్ కన్ఫర్మ్ కాకపోతే సాధారణంగా అది ఆటోమేటిక్‌గా రద్దవుతుంది. కాబట్టి ప్రయాణానికి ముందు టికెట్ స్థితిని తప్పనిసరిగా తనిఖీ చేయాలి.

Note: ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

విండ్ చైమ్.. ఈ ప్రదేశాల్లో అస్సలు పెట్టకండి

ఫిట్‌నెస్ కోసం భోజనం మానేస్తున్నారా? జాగ్రత్త..