చేదు దోసకాయలను ఎలా గుర్తించాలో తెలుసా?

ఇంటర్నెట్ డెస్క్: వేసవిలో అధిక ఉష్ణోగ్రతలు, వడదెబ్బ నుంచి శరీరాన్ని రక్షించుకోవడం చాలా ముఖ్యం. తగినంత నీరు తాగడం, నీటి శాతం ఎక్కువగా ఉండే ఆహార పదార్థాలను (పుచ్చకాయ, పెరుగు, మజ్జిగ, దోసకాయ) తీసుకోవడం మంచిది. ఇవి శరీరాన్ని హైడ్రేటెడ్‌గా ఉంచి, అలసటను తగ్గించి, తక్షణ శక్తిని అందిస్తాయి. అయితే కొన్నిసార్లు మార్కెట్‌లో కొనుగోలు చేసిన దోసకాయ చేదుగా ఉండి రుచిని పాడు చేస్తుంది. అలాంటి పరిస్థితులు రాకుండా ఉండాలంటే దోసకాయను ఎంచుకునే సమయంలో కొన్ని విషయాలను గమనించాలి..

చేదు దోసకాయను ఎలా గుర్తించాలి?

రంగు

తాజా దోసకాయ సాధారణంగా ముదురు ఆకుపచ్చ రంగులో ఉంటుంది. లేత పసుపు లేదా తెల్లటి మచ్చలతో ఉన్న దోసకాయలు పాతవిగా ఉండే అవకాశం ఉంది. ఇవి లోపల చేదుగా ఉండవచ్చు.

గట్టితనం

దోసకాయను చేతితో తేలికగా నొక్కి చూడండి. అది గట్టిగా ఉంటే మంచిది. మెత్తగా లేదా స్పాంజిలా అనిపిస్తే అది పాడై ఉండొచ్చు, అలాగే చేదుగా ఉండే అవకాశం కూడా ఉంది.

ఆకారం

సమానంగా పొడవుగా, సన్నగా ఉన్న దోసకాయలు మంచివి. ఎక్కువగా మందంగా లేదా అసమానంగా ఉన్న దోసకాయలు చేదుగా ఉండే అవకాశం ఉంది.

వాసన

తాజా దోసకాయకు స్వల్పంగా సువాసన ఉంటుంది. వింతగా వాసన వస్తే దాన్ని కొనకపోవడం మంచిది. దోసకాయను కొనేటప్పుడు ఈ చిన్న చిట్కాలు పాటిస్తే సరిపోతుంది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆరోగ్య బీమా లేదా అత్యవసర నిధి.. ఏది ముఖ్యం

పెర్ఫ్యూమ్ అవసరం లేకుండా చెమట వాసన పోవాలా? ఈ చిట్కాలు ఫాలో అవండి

For More Latest News