జాగ్రత్త.. ఈ పండ్లు, కూరగాయల్లో పురుగుమందుల ప్రభావం ఎక్కువ!

ఇంటర్నెట్ డెస్క్: తాజా పండ్లు, కూరగాయలు ఆరోగ్యానికి మంచివని మనందరికీ తెలిసిందే. కానీ కొన్ని పండ్లు, కూరగాయల్లో పురుగుమందుల అవశేషాలు (chemical residues) ఎక్కువగా ఉండే అవకాశం ఉందని ఆరోగ్య నిపుణులు చెబుతున్నారు. అందుకే ఏవి ఎక్కువ జాగ్రత్తగా కడిగి తినాలో తెలుసుకోవడం చాలా అవసరం.

ఈ విషయంపై ఎన్విరాన్‌మెంటల్ వర్కింగ్ గ్రూప్ (EWG) అనే సంస్థ ప్రతి సంవత్సరం 'షాపర్స్ గైడ్' అనే నివేదికను విడుదల చేస్తుంది. ఇందులో USDA పరీక్షల ఆధారంగా ఏ పండ్లు, కూరగాయల్లో ఎక్కువ లేదా తక్కువ పురుగుమందుల అవశేషాలు ఉన్నాయో తెలియజేస్తారు.

ఎక్కువ రసాయన అవశేషాలు ఉన్న పండ్లు, కూరగాయలు

నివేదిక ప్రకారం.. ఎక్కువ పురుగుమందుల అవశేషాలు ఉండే వాటిలో ఇవి ఉన్నాయి:

• పాలకూర

• స్ట్రాబెర్రీలు

• కేల్

• ద్రాక్ష

• పీచు పండ్లు

• చెర్రీస్

• నెక్టరైన్లు

• ఆపిల్స్

• బ్లూబెర్రీస్

• బ్లాక్‌బెర్రీస్

• బంగాళదుంపలు

• బేరిపండ్లు

ఈ జాబితాను 'డర్టీ డజన్‌'గా కూడా పిలుస్తారు.

తక్కువ రసాయనాలు ఉన్న పండ్లు, కూరగాయలు

అలాగే కొన్ని పండ్లు, కూరగాయల్లో పురుగుమందుల అవశేషాలు చాలా తక్కువగా ఉంటాయి. వాటిని 'క్లీన్ ఫిఫ్టీన్' గా పిలుస్తారు.

• పైనాపిల్

• స్వీట్ కార్న్

• అవకాడో

• బొప్పాయి

• ఉల్లిపాయ

• పచ్చి బఠానీలు

• ఆస్పరాగస్

• క్యాబేజీ

• పుచ్చకాయ

• కాలీఫ్లవర్

• అరటిపండ్లు

• మామిడి

• క్యారెట్లు

• పుట్టగొడుగులు

• కివి

ఆరోగ్య నిపుణులు తెలిపిన సమాచారం ప్రకారం.. డర్టీ డజన్ జాబితాలో ఉన్న పండ్లు, కూరగాయలను పూర్తిగా మానేయాల్సిన అవసరం లేదు. కానీ వాటిని తినే ముందు బాగా శుభ్రం చేయడం చాలా ముఖ్యం.

• శుభ్రమైన నీటితో 2–3 సార్లు కడగాలి.

• అవసరమైతే బేకింగ్ సోడా నీటిలో 10–15 నిమిషాలు నానబెట్టాలి.

• లేదా వెనిగర్ కలిపిన నీటిలో కడిగిన తరువాత మంచి నీటితో శుభ్రపరచాలి.

ఈ జాగ్రత్తలు తీసుకుంటే పండ్లు, కూరగాయల్లో ఉన్న ఎక్కువ భాగం రసాయన అవశేషాలను తగ్గించుకోవచ్చని నిపుణులు సూచిస్తున్నారు.

Note: ఇందులోని సమాచారం సాధారణ అవగాహన కోసం మాత్రమే.. ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

విండ్ చైమ్.. ఈ ప్రదేశాల్లో అస్సలు పెట్టకండి

ఫిట్‌నెస్ కోసం భోజనం మానేస్తున్నారా? జాగ్రత్త..