బట్టలు ఇస్త్రీ చేసినా ముడతలు పోవడం లేదా? ఈ చిట్కాలు పాటించండి..

ఇంటర్నెట్ డెస్క్: బట్టలు ఉతికిన తర్వాత వాటిపై వచ్చే ముడతలు చాలా మందికి ఇబ్బంది కలిగిస్తాయి. ముఖ్యంగా కాటన్, లినెన్, షర్టులు వంటి దుస్తుల్లో మొండి ముడతలు సులభంగా పోవు. ఎన్నిసార్లు ఇస్త్రీ చేసినా బట్టలు నునుపుగా కనిపించకపోవచ్చు. అయితే కొన్ని సులభమైన చిట్కాలు పాటిస్తే బట్టలు త్వరగా సరిగ్గా ఇస్త్రీ అవుతాయి.

కొద్దిగా తడిగా ఉన్నప్పుడు ఇస్త్రీ చేయండి

బట్టలు కొద్దిగా తడిగా ఉన్నప్పుడు ఇస్త్రీ చేస్తే ముడతలు త్వరగా పోతాయి. తడి కారణంగా వేడి బట్టలోకి సులభంగా వెళ్లి ముడతలను నిటారుగా చేస్తుంది. బట్ట పూర్తిగా పొడిగా ఉంటే ఇస్త్రీ చేసే ముందు కొద్దిగా నీళ్లు చల్లుకోవచ్చు. ఇది ముఖ్యంగా కాటన్, లినెన్ బట్టలకు చాలా బాగా పనిచేస్తుంది.

సరైన ఉష్ణోగ్రత

ప్రతి రకమైన వస్త్రానికి వేర్వేరు ఉష్ణోగ్రత అవసరం. ఎక్కువ వేడి పెట్టి ఇస్త్రీ చేస్తే బట్ట కాలిపోవచ్చు. పట్టు, సింథటిక్ దుస్తులకు తక్కువ వేడి సరిపోతుంది. కాటన్, డెనిమ్ వంటి బట్టలకు ఎక్కువ వేడి ఉపయోగించవచ్చు. అందుకే దుస్తులపై ఉన్న కేర్ లేబుల్‌ను ముందుగా చూడటం మంచిది.

ఇవి కూడా గుర్తుంచుకోండి

• ఎప్పుడూ శుభ్రమైన ప్రదేశంలోనే బట్టలు ఇస్త్రీ చేయాలి.

• ఒకే చోట ఎక్కువసేపు ఇస్త్రీ చేయకండి.

• సున్నితమైన బట్టలపై నేరుగా ఇస్త్రీ చేయకుండా పలుచని గుడ్డ వేసి ఇస్త్రీ చేయడం మంచిది.

సరైన పద్ధతులు పాటిస్తే ఇంట్లోనే బట్టలను ప్రొఫెషనల్‌లా ఇస్త్రీ చేయవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

రోజూ 10 నిమిషాలు ధ్యానం చేస్తే ఎన్ని ప్రయోజనాలో తెలుసా?

ఫర్నిచర్‌కు చెదలు పట్టిందా? ఈ ఇంటి చిట్కాలు ట్రై చేయండి