ఎయిర్‌ఫోర్స్ వన్‌లో సమస్య.. ఎమర్జెన్సీ స్లైడ్ సడెన్‌గా తెరుచుకుని..

ఇంటర్నెట్ డెస్క్: యూఎస్ అధ్యక్షుడు డొనాల్డ్ ట్రంప్ వినియోగించే ఎయిర్‌ఫోర్స్ వన్‌ విమానంలో బుధవారం సాంకేతిక లోపం తలెత్తింది. ట్రంప్ ప్రయాణానికి ముందు తనిఖీల సందర్భంగా విమానంలోని ఎమర్జె్న్సీ స్లైడ్‌ను అకస్మాత్తుగా తెరుచుకుంది. వాషింగ్టన్‌లోని జాయింట్ బేస్ ఆండ్రూస్‌లో ఈ ఘటన జరిగింది. అత్యవసర సందర్భాల్లో విమానం నుంచి కిందకు దిగేందుకు మెట్లకు బదులు ఈ స్లైడ్‌ను వినియోగిస్తారు. డాలస్‌లో ఓ కార్యక్రమానికి వెళ్లేందుకు ట్రంప్ ఎయిర్‌బేస్‌కు హెలికాప్టర్‌లో వెళ్లారు. ట్రంప్ అక్కడకు చేరుకున్న సమయంలోనే స్లైడ్ తెరుచుకుంది. దీంతో కొన్ని నిమిషాల పాటు ట్రంప్ హెలికాప్టర్‌లోనే ఉండిపోవాల్సి వచ్చింది.

ఆ తరువాత ట్రంప్ యథాప్రకారం, డాలస్‌కు ఆ విమానంలో వెళ్లారు. అక్కడ దిగాక విలేకరులు విమానభద్రతపై ట్రంప్‌ను ప్రశ్నించారు. అలాంటి సందేహాలు అవసరమే లేదని ట్రంప్ స్పష్టం చేశారు. ఏ చిన్న సందేహం ఉన్నా విమానంతో తాను ప్రయాణించనని చెప్పారు. ఈ ఎయిర్‌ఫోర్స్ వన్‌ను ఖతార్ ప్రభుత్వం ట్రంప్‌నకు బహుమతిగా ఇచ్చింది. గతంలో ట్రంప్ వినియోగించే బోయింగ్ ఎయిర్‌ఫోర్స్ వన్ విమానాలు పాతపడిపోవడంతో ట్రంప్ ఈ విమానాన్ని వినియోగిస్తున్నారు. కొత్త విమానాలను బోయింగ్ సరఫరా చేసే వరకూ ట్రంప్ వీటిని వినియోగిస్తారు.

ఈ వార్తలనూ చదవండి:

ఆ మూడు భారతీయ కంపెనీలపై చర్యలు తీసుకోండి: యూఎస్ సెనెటర్లు

కాగ్నిజెంట్‌కు షాకిచ్చిన యూఎస్