మా పార్టీ వాళ్లు ప్రత్యర్థులకు ఓటేశారు: జేడీ వాన్స్

ఇంటర్నెట్ డెస్క్: అమెరికా మిడ్‌టర్మ్ ఎన్నికల్లో రిపబ్లికన్ల ఓటమిపై ఆ పార్టీ నేత, యూఎస్ ఉపాధ్యక్షుడు జేడీ వాన్స్ తాజాగా కీలక వ్యాఖ్యలు చేశారు. తమ పార్టీ మద్దతుదారులు ప్రత్యర్థులకు ఓటువేయడమే ఇందుకు కారణమని చెప్పారు. 2024లో తమకు ఓటేసిన వారు ఈసారి దూరమయ్యారని విచారం వ్యక్తం చేశారు. ఈ మేరకు ఎక్స్ వేదికగా సుదీర్ఘ పోస్టు పెట్టారు. ఎన్నికల్లో ఓటమికి ఇరాన్ యుద్ధమే అతిపెద్ద కారణమని వాన్స్ చెప్పారు. యుద్ధం, పెరిగిన జీవన వ్యయాలు, అమెరికాకే తొలిప్రాధాన్యమనే ఎజెండాపై ప్రజలకున్న సందేహాలు, ఇజ్రాయెల్‌తో అమెరికా బంధంపై అసంతృప్తి ఓటమికి దారి తీశాయని చెప్పారు.

వాస్తవానికి ఈ ఎన్నికల్లో డెమోక్రాట్లే విజయం సాధిస్తారని సర్వేలు స్పష్టం చేశాయి. అదే సమయంలో రిపబ్లికన్ పార్టీ మద్దతుదారులు కూడా పెద్ద సంఖ్యలో తమ ఓటు హక్కు వినియోగించుకున్నారు. దీంతో, తమ మద్దతుదారుల ఓట్లతో విజయం దక్కుతుందని తొలుత తాను విశ్వసించినట్టు వాన్స్ చెప్పారు. అయితే, రిపబ్లికన్ల పోలింగ్ శాతం పెరగడం తమకు ఓట్లు పడటం ఒకటికాదని ఓ డేటా ఎనలిస్టు తన దృష్టికి తెచ్చినట్టు చెప్పారు. ట్రంప్ విధానాల పట్ల రిపబ్లికన్ మద్దతుదారుల్లో అసంతృప్తి పెరిగిందనేందుకు ఇది సంకేతమని అన్నారు. చివరకు ఆ అంచనాలే నిజమయ్యాయని చెప్పారు.

ఈ వార్తలనూ చదవండి:

డెమోక్రాట్లపై ట్రంప్ చివరి అస్త్రం! ఎలా పనిచేస్తుందంటే..

మిడ్‌టర్మ్ ఎన్నికల్లో ట్రంప్ ఓటమి.. ప్రపంచ నేతల కామెంట్స్