రన్నింగ్ Vs సైక్లింగ్.. బరువు తగ్గాలంటే ఏది మంచిదో తెలుసా?
ABN , Publish Date - Jul 18 , 2026 | 08:19 AM
బరువు తగ్గాలనుకునే చాలా మంది రన్నింగ్, సైక్లింగ్లో ఏది మంచిదనే సందేహంలో ఉంటారు. రెండూ ఆరోగ్యానికి మేలు చేసే కార్డియో వ్యాయామాలే అయినప్పటికీ ఏ వ్యాయామం మంచిదో తెలుసుకోవడం చాలా ముఖ్యం.
ఇంటర్నెట్ డెస్క్: ఫిట్నెస్ను కాపాడుకోవడానికి, బరువు తగ్గించుకోవడానికి కార్డియో వ్యాయామాలు చాలా ఉపయోగపడతాయి. వాటిలో రన్నింగ్, సైక్లింగ్ రెండూ ప్రముఖమైనవి. అయితే, ఈ రెండింటిలో ఏది ఎక్కువ కేలరీలను ఖర్చు చేస్తుంది? ఏది బరువు తగ్గడానికి బాగా ఉపయోగపడుతుంది? అనే సందేహం చాలా మందికి ఉంటుంది.
ఆరోగ్య నిపుణుల ప్రకారం.. రన్నింగ్, సైక్లింగ్ రెండూ మంచి వ్యాయామాలే. అయితే ఏది ఎంచుకోవాలనేది మీ ఆరోగ్యం, వయసు, శరీర బరువు, ఫిట్నెస్ లక్ష్యాలపై ఆధారపడి ఉంటుంది.
ఏది ఎక్కువ కేలరీలు కరిగిస్తుంది?
సాధారణంగా ఒకే సమయం పాటు చేస్తే, సైక్లింగ్తో పోలిస్తే రన్నింగ్ ఎక్కువ కేలరీలను ఖర్చు చేస్తుంది. ఎందుకంటే పరుగెత్తేటప్పుడు శరీరంలోని దాదాపు అన్ని ప్రధాన కండరాలు పనిచేస్తాయి. అలాగే శరీరాన్ని ముందుకు నెట్టడానికి ఎక్కువ శక్తి అవసరం అవుతుంది.
ఉదాహరణకు, 70 కిలోల బరువు ఉన్న వ్యక్తి 30 నిమిషాలు మితమైన వేగంతో పరుగెత్తితే సుమారు 300 నుంచి 400 కేలరీలు ఖర్చవుతాయి. అదే సమయంలో మితమైన వేగంతో సైక్లింగ్ చేస్తే 220 నుంచి 350 కేలరీలు వరకు ఖర్చవుతాయి. అయితే వేగం, తీవ్రత పెరిగితే ఈ సంఖ్యలు మారవచ్చు.
మోకాళ్ల నొప్పి ఉంటే ఏది మంచిది?
పరుగెత్తేటప్పుడు మోకాళ్లు, కీళ్లపై ఎక్కువ ఒత్తిడి పడుతుంది. అందుకే అధిక బరువు ఉన్నవారు, మోకాళ్ల నొప్పి లేదా కీళ్లవాతం ఉన్నవారు, వృద్ధులు సైక్లింగ్ను ఎంచుకోవడం మంచిది. ఇది కీళ్లపై తక్కువ ఒత్తిడి కలిగిస్తూ గుండె ఆరోగ్యాన్ని, శారీరక సామర్థ్యాన్ని మెరుగుపరుస్తుంది.
బరువు తగ్గడానికి ఏది బెస్ట్?
త్వరగా కొవ్వు కరిగించుకోవాలనుకునే వారు, ఎలాంటి ఆరోగ్య సమస్యలు లేని వారు రన్నింగ్ ఎంచుకోవచ్చు. అయితే శరీరంపై తక్కువ ఒత్తిడితో ఎక్కువకాలం వ్యాయామం చేయాలనుకునే వారికి సైక్లింగ్ కూడా మంచి ఎంపిక.
వ్యాయామంతో పాటు ఆహారం కూడా ముఖ్యం
బరువు తగ్గాలంటే వ్యాయామం ఒక్కటే సరిపోదు. సరైన ఆహారం కూడా చాలా అవసరం.
రోజూ తగినంత ప్రొటీన్ తీసుకోవాలి.
చక్కెర, జంక్ ఫుడ్ను తగ్గించాలి.
కూరగాయలు, పండ్లు, తృణధాన్యాలను ఆహారంలో చేర్చాలి.
రోజుకు 2 నుంచి 3 లీటర్ల నీరు తాగాలి.
రోజూ 7 నుంచి 8 గంటల నాణ్యమైన నిద్ర అవసరం.
ఎవరికి ఏ వ్యాయామం సరిపోతుంది?
త్వరగా కేలరీలు ఖర్చు చేయాలంటే రన్నింగ్ సరిపోతుంది
మోకాళ్లు లేదా కీళ్ల సమస్యలు ఉంటే సైక్లింగ్ చేయడం మంచిది
గుండె ఆరోగ్యాన్ని మెరుగుపరచాలంటే రెండూ మంచివేనని నిపుణులు చెబుతున్నారు.
Note: ఇందులోని సమాచారం ఇంటర్నెట్లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.
Also Read:
ఫ్రిజ్ లేకుండానే టమోటాలు ఎక్కువ రోజులు తాజాగా ఉండాలా?
ఈ తేదీల్లో పుట్టినవారిది రాజసమైన వ్యక్తిత్వం..!
