నిద్రలేమి వల్ల వచ్చే సమస్యలు ఇవే

ఇంటర్నెట్ డెస్క్: ఆరోగ్యంగా ఉండాలంటే సరైన ఆహారం, మంచి జీవనశైలి ఎంత ముఖ్యమో, ప్రతిరోజూ సరిపడా నిద్ర కూడా అంతే అవసరం. రోజుకు కనీసం 7–8 గంటలు నిద్రపోవాలని నిపుణులు సూచిస్తున్నారు.

నిద్రలేమి వల్ల కలిగే సమస్యలు

• అధిక రక్తపోటు

• మధుమేహం

• ఊబకాయం

• గుండె జబ్బులు

• డిప్రెషన్, ఆందోళన

పగటిపూట నిద్రలేమి ఉన్నవారు ఏకాగ్రత కోల్పోవడం, నిర్ణయాలు తీసుకోవడంలో ఇబ్బంది, అలసట, తలనొప్పి, చిరాకు వంటి సమస్యలను ఎదుర్కొంటారు.

మానసిక ఆరోగ్యంపై ప్రభావం

నిద్రలేమి వల్ల ఒత్తిడి, ఆందోళన పెరుగుతాయి. దీర్ఘకాలంలో ఇది డిప్రెషన్‌కు దారితీయవచ్చు. పిల్లల్లో ఇది చదువుపై ప్రభావం చూపి, జ్ఞాపకశక్తి తగ్గడం, ప్రవర్తన మార్పులకు కారణమవుతుంది.

ఈ లక్షణాలు చెక్ చేయండి

• ఎప్పుడూ అలసటగా అనిపించడం

• తలనొప్పి, కళ్లలో మంట

• ఏకాగ్రత లోపం

• చిరాకు

• తరచుగా అనారోగ్యం

• వాహనం నడుపుతున్నప్పుడు నిద్రమత్తు

• టీవీ చూస్తూ లేదా చదువుతూ త్వరగా నిద్ర రావడం

• జ్ఞాపకశక్తి తగ్గడం

• పగటిపూట ఎక్కువ నిద్ర రావడం

ఈ లక్షణాలలో రెండు లేదా అంతకంటే ఎక్కువ ఉంటే, నిద్రలేమి సమస్య ఉండే అవకాశం ఉంది. నిద్రను నిర్లక్ష్యం చేయడం ఆరోగ్యానికి ప్రమాదకరం. కాబట్టి ప్రతి రోజూ సరిపడా నిద్రపోవడానికి ప్రాధాన్యత ఇవ్వాలి. సమస్య కొనసాగితే వైద్యుడిని సంప్రదించడం మంచిది.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి..

పాలను ఇలా తాగితే హైబీపీకి చెక్.. సింపుల్ చిట్కా..

గంటల తరబడి కూర్చొని పని చేస్తున్నారా? అయితే ఈ నష్టం తప్పదు

For More Health News