HDFC, కోటక్‌లకు కొత్త బాస్‌లు.. భారత బ్యాంకింగ్ రంగంలో బెంగాలీ మార్క్

ఆంధ్రజ్యోతి, అక్టోబర్ 2: భారతీయ బ్యాంకింగ్ రంగంలో ఆసక్తికర పరిణామం చోటుచేసుకుంది. దేశంలోని అగ్రగామి ప్రైవేట్ బ్యాంకులైన HDFC బ్యాంక్, కోటక్ మహీంద్రా బ్యాంక్‌ లకు కొత్త మేనేజింగ్ డైరెక్టర్ (MD), CEOలుగా ఇద్దరు అనుభవజ్ఞులైన బెంగాలీ బ్యాంకర్లు నియమితులయ్యారు. రిజర్వ్ బ్యాంక్ ఆఫ్ ఇండియా (RBI) వీరికి ఆమోదం తెలిపింది.

HDFC బ్యాంక్ కొత్త సారథిగా అనూప్ బగ్చి

ప్రస్తుతం ICICI ప్రుడెన్షియల్ లైఫ్ ఇన్సూరెన్స్ MD, CEOగా పనిచేస్తున్న అనూప్ బగ్చి (Anup Bagchi), అక్టోబర్ 27, 2026న HDFC బ్యాంక్ బాధ్యతలను స్వీకరిస్తారు. ఆయన మూడేళ్ల కాలపరిమితికి ఈ పదవిలో కొనసాగుతారు. అక్టోబర్ 26తో పదవీ కాలం ముగియనున్న ప్రస్తుత సీఈఓ సశిధర్ జగదీషన్ స్థానంలో బగ్చి బాధ్యతలు చేపడతారు. బగ్చి అక్టోబర్ 2 నుంచి అదనపు డైరెక్టర్‌గా బాధ్యతలు తీసుకుంటారు.

కోటక్ బ్యాంక్ MD, CEOగా అనూప్ కుమార్ సాహా

అటు కోటక్ మహీంద్రా బ్యాంక్ నూతన సారథిగా అనూప్ కుమార్ సాహా(Anup Kumar Saha)జనవరి 1, 2027న బాధ్యతలు స్వీకరిస్తారు. ఆయన కూడా మూడేళ్ల పాటు ఈ పదవిలో ఉంటారు. ప్రస్తుతం సీఈఓగా ఉన్న అశోక్ వాస్వానీ స్థానాన్ని సాహా భర్తీ చేస్తారు.

అనూప్ బగ్చి (HDFC బ్యాంక్)

• విద్యార్హతలు: IIT కాన్పూర్ (ఇంజినీరింగ్), IIM బెంగళూరు (MBA)

• అనుభవం: 30 ఏళ్లకు పైగా బ్యాంకింగ్ రంగంలో అనుభవం

• ముఖ్యమైన పాత్రలు: ICICI సెక్యూరిటీస్ CEO, ICICI బ్యాంక్ ఎగ్జిక్యూటివ్ డైరెక్టర్, ICICI ప్రుడెన్షియల్ లైఫ్ MD

• కీలక విజయాలు: ICICI రిటైల్ మోర్ట్‌‌గేజ్ పోర్ట్‌ఫోలియోను రూ.2 లక్షల కోట్లకు చేర్చడంలో కీలక పాత్ర పోషించారు.

అనూప్ కుమార్ సాహా (కోటక్ బ్యాంక్)

• విద్యార్హతలు: IIT ఖరగ్‌పూర్ (ఇంజినీరింగ్), IIM లక్నో (మ్యానేజ్‌మెంట్)

• అనుభవం: 30 ఏళ్లకు పైగా రంగంలో అనుభవం

• ముఖ్యమైన పాత్రలు: బజాజ్ ఫైనాన్స్ MD, CEO (2017–2026), ICICI బ్యాంక్‌లో 14 ఏళ్లు, GE క్యాపిటల్, BHEL

• కీలక విజయాలు: జనవరి 2026లో కోటక్‌లో చేరి రిటైల్ బ్యాంకింగ్, డేటా అనలిటిక్స్, మార్కెటింగ్ విభాగాలను నడిపించారు.

బ్యాంకింగ్ వర్గాల హర్షం

ప్రైవేట్ బ్యాంకింగ్ దిగ్గజాలకు ఇద్దరు బెంగాలీ నిపుణులు నాయకత్వం వహించడం పట్ల ఫైనాన్షియల్ రంగ ప్రముఖులు సంతోషం వ్యక్తం చేస్తున్నారు. ఇది గర్వించదగిన పరిణామం.. గతంలో ఎస్‌బీఐతో సహా పలు బ్యాంకుల్లో బెంగాలీ ప్రముఖులు అగ్రస్థానాల్లో సేవలందించారని వ్యాఖ్యానిస్తున్నారు. బెంగాలీ భాషలో 'అనూప్' అంటే అసమానమైనది లేదా సాటిలేనిది అని అర్థం.

ఇవి కూడా చదవండి..

మచ్చార్‌ తెగువకు ప్రపంచం ఫిదా

నా వల్లే ఆ రెండు దేశాలు ఇంకా మిగిలున్నాయి: డొనాల్డ్ ట్రంప్

మరిన్ని నేషనల్, ఇంటర్నేషనల్ వార్తల కోసం ఇక్కడ క్లిక్ చేయండి..