సీఎం చంద్రబాబు అధ్యక్షతన తెలుగుదేశం పార్లమెంటరీ పార్టీ భేటీ

అమరావతి, జులై 17: పార్లమెంట్ వర్షాకాల సమావేశాలు కొన్ని రోజుల్లో ప్రారంభం కానున్నాయి. ఈ నేపథ్యంలో శుక్రవారం ఉండవల్లిలోని సీఎం క్యాంపు కార్యాలయంలో ముఖ్యమంత్రి చంద్రబాబు అధ్యక్షతన టీడీపీ పార్లమెంటరీ పార్టీ సమావేశమైంది. సభలో అనుసరించాల్సిన వ్యూహాలతోపాటు చర్చించాల్సిన అంశాలపై వారు చర్చిస్తున్నారు. ఈ భేటీకి పార్లమెంట్ ఉభయ సభలకు చెందిన టీడీపీ ఎంపీలు హాజరయ్యారు. పార్లమెంటరీ వర్షాకాల సమావేశాలు జులై 20న ప్రారంభమవుతాయి. ఆగస్ట్ 13వ తేదీతో ముగుస్తాయి. ఈ అంశాలపై వారు చర్చిస్తున్నారు. ఆ వివరాలు..

• పోలవరం ప్రాజెక్టు నిర్మాణ పురోగతి, కేంద్రం నుంచి రావాల్సిన నిధులు, నిర్వాసితుల పునరావాస కార్యక్రమాలు.

• రాజధాని అమరావతి నిర్మాణ పనుల పునరుద్ధరణ, మౌలిక సదుపాయాల కల్పనతోపాటు పెట్టుబడుల ఆకర్షణ.

• రాయలసీమకు సాగునీటిని అందించేందుకు చేపట్టాల్సిన గోదావరి - పెన్నా నదుల అనుసంధాన ప్రక్రియ, కార్యాచరణ.

• విశాఖపట్నం దక్షిణ కోస్తా రైల్వే జోన్‌కు సంబంధించిన మౌలిక సదుపాయాలు, రైల్వే భూముల కేటాయింపు, జోన్ పూర్తిస్థాయి కార్యకలాపాల ప్రారంభం.

• రాష్ట్రంలో నూతన పెట్రోలియం రిఫైనరీల ఏర్పాటు, పారిశ్రామిక కారిడార్ల అభివృద్ధి, భారీ పరిశ్రమల ద్వారా ఉపాధి కల్పన అంశాలు.

• సోషల్ మీడియా వేదికగా జరుగుతున్న దుష్ప్రచారం, ఫేక్ న్యూస్ కట్టడి, వ్యవస్థలపై జరుగుతున్న దాడుల అంశాన్ని పార్లమెంట్ వేదికగా లేవనెత్తడం.

• పార్లమెంట్ సభ్యులు లేవనెత్తిన తమ నియోజకవర్గాల సమస్యలు, కేంద్ర ప్రభుత్వం దృష్టికి తీసుకెళ్లాల్సిన అంశాలు.

• పార్లమెంట్ ఉభయ సభల్లో ప్రవేశపెట్టే వివిధ చట్ట సవరణలు, కొత్త బిల్లుల పట్ల పార్టీ అనుసరించాల్సిన విధానం.

• నియోజక వర్గాల పునర్విభజన, మహిళా బిల్లు, SIR, అయోధ్య విరాళాలతో పాటు సభలో చర్చించాల్సిన ఇతర అత్యవసర ప్రజా సమస్యలు, సమకాలీన అంశాలపై ఈ భేటీలో చర్చిస్తున్నారు.

ఈ వార్తలు కూడా చదవండి..

అంగన్‌వాడీలకు సీఎం చంద్రబాబు గుడ్ న్యూస్

ఇతడి టాలెంట్ ముందు కంప్యూటర్ కూడా దిగదుడుపే.. వీడియో వైరల్..

For More AP News And Telugu News