ఏపీ రైతుల ఖాతాల్లోకి అన్నదాత సుఖీభవ నిధులు.. రూ.2,234 కోట్లు విడుదల

అమరావతి, అక్టోబర్ 30: అన్నదాత సుఖీభవ - పీఎం కిసాన్ పథకం కింద ఆంధ్రప్రదేశ్ రాష్ట్రంలోని రైతుల ఖాతాల్లో నిధులను కూటమి ప్రభుత్వం జమ చేసింది. 2026-27 ఆర్ధిక సంవత్సరంలో రెండో విడతగా రాష్ట్ర వాటాగా రూ.2,234.03 కోట్ల నగదును విడుదల చేసింది. సీఎం చంద్రబాబు ఆదేశాలతో వేగంగా రైతులకు అన్నదాత సుఖీభవ నిధులు జమ అవుతున్నాయి. 24 గంటల వ్యవధిలోనే 99.44 శాతం మంది రైతుల ఖాతాలో ఈ ఆర్ధిక సాయం జమ కానుంది.

వివిధ సాంకేతిక కారణాలతో కేవలం 17,828 మంది రైతుల ఖాతాల్లో నగదు జమ కాలేదు. త్వరితగతిన సాంకేతిక సమస్యల్ని పరిష్కరించి మిగిలిన రైతులకూ ఈ నిధులు అందేలా చూడాలని అధికారులను సీఎం చంద్రబాబు ఆదేశించారు. ఈ రెండేళ్లలో అన్నదాత సుఖీభవ - పీఎం కిసాన్ కింద రూ.15,236.35 కోట్ల నిధులను ప్రభుత్వం రైతుల ఖాతాల్లో వేసిన విషయం విదితమే.

ఈ వార్తలు కూడా చదవండి..

‘ఆర్నబ్’ తుపాను బాధితులకు తక్షణ సాయం అందించండి: ప్రభుత్వాలకు రాహుల్ విజ్ఞప్తి

పలు జిల్లాల్లో టీజీ సేఫ్ మెరుపు దాడులు.. 9 కేంద్రాల లైసెన్సులు సస్పెండ్

For More AP News And Telugu News