CM Chandrababu : నారా భువనేశ్వరి స్ఫూర్తిదాయకం

అమరావతి: నారా భువనేశ్వరి ప్రతిష్ఠాత్మక ‘డిస్టింగ్విష్డ్ ఫెలోషిప్-2025’ అవార్డును అందుకోవడంపై ముఖ్యమంత్రి చంద్రబాబు నాయుడు హర్షం వ్యక్తం చేశారు. నారా భువనేశ్వరి రెండు పురస్కారాలు అందుకోవడం హర్షణీయమని ట్వీట్‌ చేశారు. విలువలు, కరుణ, నాయకత్వంతో భారతీయ, తెలుగు సంస్కృతుల శ్రేష్ఠతను ప్రతిబింబించేలా చేసిన గర్వించదగిన తెలుగు మహిళ భువనేశ్వరి అని చంద్రబాబు ప్రశంసించారు. ఆమె ప్రయాణం తన చుట్టూ ఉన్న వారందరికీ స్ఫూర్తిదాయకమని ముఖ్యమంత్రి కొనియాడారు.