BRS Silver Jubilee Public Meeting: తెలంగాణకు నంబర్ వన్‌ విలన్‌ కాంగ్రెస్‌: కేసీఆర్‌

కాంగ్రెస్‌ ప్రభుత్వాన్ని మేం పడగొట్టం: కేసీఆర్‌

• రానున్న మూడేళ్లు సక్రమంగా చేయకపోతే ప్రజలే వీపులు పగలగొడతారు.

• ప్రజలకు అండగా ఉంటాం.. వారికోసం పోరడాదాం.

• రాబోయే రోజుల్లో బ్రహ్మాండంగా ముందుకు సాగుదాం.

• చిరునవ్వులు చిందించే తెలంగాణను నిర్మించుకుందాం.

• యావత్‌ తెలంగాణ సమాజానికి, BRS కేడర్‌కు రజతోత్సవ శుభాకాంక్షలు.

బీజేపీ 11 ఏళ్లలో 11 రూపాయిలు కూడా ఇయ్యలే: కేసీఆర్‌

• తెలంగాణపై మోదీ ఇంకా విషం చిమ్ముతూనే ఉన్నారు.

• ఛత్తీస్‌గఢ్‌లో ఆపరేషన్ కగార్‌ పేరుతో ప్రాణాలు తీస్తున్నారు.

• బలం ఉందని చంపుకుంటూ పోవడం సరికాదు.

• ఆపరేషన్ కగార్‌ను ఆపేయాలి.

• చర్చలకు కేంద్రం ముందుకు రావాలి.

25 నుంచి 30% కమీషన్లు అంటే కాంట్రాక్టర్లు వాపోతున్నారు: కేసీఆర్‌

• కేసీఆర్‌ నువ్వు అసెంబ్లీకి రా అంటున్నారు..

• నేనెందుకు మా పిల్లలు అడిగితేనే సమాధానం చెప్పట్లే.

• మళ్లీ విజయం సాధించాలి.. గులాబీ జెండా ఎగురవేయాలి.

ఎవరి లెక్కలు ఏంటో చూద్దాం: కేసీఆర్‌

• అన్ని రంగాల్లో కాంగ్రెస్‌ ఫెయిలైంది.

• కాంగ్రెస్సోళ్లకు కమీషన్లు తీసుకోవడం.. సంచులు మోయడమే తెలుసు.

పోలీసులు ఎందుకు కక్ష గట్టారు: కేసీఆర్

• పోలీసులూ.. మీ డైరీల్లో రాసిపెట్టుకోండి.

• మళ్లీ వచ్చేది బీఆర్‌ఎస్సే.

• BRS సోషల్‌ మీడియా వారియర్స్‌పై కేసులు ఎందుకు?

• ఇకపై నేను కూడా ఊరుకోను.. బయల్దేరతా..

ఏది అమ్మాలో.. ఏది అమ్మకూడదో తెలివి ఉండాలి: కేసీఆర్‌

• యూనివర్సిటీలను ఎవరైనా అమ్ముతారా?

• అన్ని రంగాల్లో ఈ ప్రభుత్వం ఫెయిలైంది.

• ఇరిగేషన్‌ ప్రాజెక్టులన్నీ ఎందుకు పూర్తి చేయట్లేదు.

• పేదల కోసం కేసీఆర్‌ కిట్లు పెట్టాం.

• కేసీఆర్‌ కిట్‌ను ఎందుకు బంద్‌ చేశారు.

• ఆరోగ్యశ్రీ వైఎస్‌ఆర్‌ తెచ్చారు.. ఆ పథకం బాగుందని కొనసాగించాం.

• ఇప్పుడు కాంగ్రెస్‌ పాలకులు.. కేసీఆర్‌ ఆనవాళ్లు లేకుండా చేయాలని చూస్తున్నారు.

• సభకు కూడా రాకుండా ప్రభుత్వం అడ్డుకుంటోంది.

• లారీలను అడ్డం పెట్టించి ట్రాఫిక్‌ జాం చేయించారు.

నెత్తిన శని పెట్టుకున్నట్లయింది: కేసీఆర్‌

• ప్రతి ఇంటికి నల్లా ఇస్తామని దమ్ముంది కాబట్టే చెప్పాం.

• ఆ మంచినీళ్లు కూడా ఇప్పుడు ఇవ్వలేకపోతున్నారు.

• ప్రభుత్వ జాగాల్లో పేదలు గుడిసెలు వేసుకుంటారు.

• అలాంటి ప్రజలకు మేం పట్టాలు ఇచ్చాం.

• కాంగ్రెస్సోళ్లు హైడ్రా.. వాళ్ల బొంద అని పెట్టారు.

• పేదల ఇళ్లు తొలగిస్తున్నారు.

• ఏడాదైనా టైమ్‌ ఇవ్వాలని ఇప్పటి వరకు నోరు తెరవలేదు.

• చేస్తారులే చూద్దామని ఊరుకున్నా.

• ఎక్కడ పోగొట్టుకున్నామో అక్కడే వెతుక్కోవాల్సిన సమయం వచ్చింది

కడుపుకట్టుకుని తెలంగాణ ఆదాయం పెంచాం: కేసీఆర్‌

• నా మనసు బాధవుతోంది.. కడుపు కాలుతోంది.

• నా కళ్ల ముందే తెలంగాణ ఇలా కావడం బాధగా ఉంది.

• భూముల ధరలు పడిపోయాయి.

• అమ్మేవాడు లేడు.. కొనేవాడు లేడు.

• కేసీఆర్‌ దిగిపోగానే ఆగం చేశారు.

కల్యాణలక్ష్మి రూ.లక్ష సహా తులం బంగారం ఇస్తామన్నారు.. ఇచ్చారా?: కేసీఆర్

• సిగ్గు లేకుండా ప్రజలకు బాండ్‌ పేపర్‌ రాసి ఇచ్చారు.

• తెలంగాణలోని అన్ని దేవుళ్లపై ఒట్టు వేశారు.. ఏమైనా చేశారా?

• మహిళలకు ఉచిత బస్సు.. జుట్లు పట్లుకుని కొట్టుకునేందుకు పనికొచ్చింది

• BRSపై అడ్డదిడ్డమైన మాటలు మాట్లాడుతూ.. చేయాల్సిన పనులు చేయట్లేదు

• కాంగ్రెస్‌ను నమ్మి ప్రజలు బోల్తా పడ్డారు.

• తెలంగాణ ప్రజలకు కాంగ్రెస్‌ దగా చేసింది.

• మంచిగా ఉన్న తెలంగాణను ఆగం చేశారు.

• అబద్ధపు హామీలతో ఓట్లు వేయించుకుని అధికారంలోకి వచ్చారు.

• తెలంగాణ ఆర్థిక పరిస్థితిని దెబ్బతీశారు.

• వివేకం, అజ్ఞానంతో పరిపాలన చేయలేకపోతున్నారు.

దివ్యాంగులకు రూ.6 వేలు ఇస్తామన్నారు.. ఇచ్చారా?: కేసీఆర్‌

• విద్యార్థినులకు స్కూటీలు ఇస్తామన్నారు.. ఇచ్చారా?

• విద్యార్థులకు రూ.5 లక్షల గ్యారెంటీ కార్డు ఇస్తామన్నారు.. ఇచ్చారా?

• ప్రతి పంటకు బోనస్‌ ఇస్తామన్నారు.. ఇచ్చారా?

• 420 అబద్ధపు హామీలు ఇచ్చారు.

కాంగ్రెస్‌ వచ్చి ఏడాదైంది.. మాయరోగం వచ్చినట్లయింది: కేసీఆర్‌

• గోల్‌మాల్‌ చేయడంలో కాంగ్రెస్‌ను మించినోడు లేడు.

• అబద్ధాలు చెప్పడంలో కాంగ్రెస్‌ను మించినోడు లేడు.

• ఉన్న గాంధీలు.. లేని గాంధీలు.. డూప్లికేటు గాంధీలు వచ్చి హామీలు ఇచ్చారు

• పెన్షన్లు ఇద్దరికి ఇస్తామని హామీ ఇచ్చి ఏం చేశారు?

articleText

ఎవరు అడగకపోయినా తెలంగాణ చెరువుల్లో చేపలు పెంచాం: కేసీఆర్‌

• లక్షలాది గొర్రెలు పంపిణీ చేశాం.

• పారిశ్రామిక అభివృద్ధి ఎప్పుడూ లేనివిధంగా జరిగింది.

• ఐటీ రంగంలో 7 లక్షల మందికి కొత్తగా ఉద్యోగాలు వచ్చాయి.

తెలంగాణ వస్తే కరెంట్‌ రాదన్నారు: కేసీఆర్‌

• తెలంగాణలో అద్భుతమైన ఉచిత కరెంట్‌ అందించాం.

• అద్భుతమైన తెలంగాణను నిర్మించుకుంటూ వచ్చాం.

• తెలంగాణ రాకముందు రైతులను పట్టించుకునే నాథుడే లేడు.

• ప్రభుత్వానికి నష్టం వచ్చినా రైతుల దగ్గర ధాన్యం సేకరించాం.

తెలంగాణ సాధించుకున్న తర్వాత.. రాష్ట్రాన్ని బాగు చేసేందుకు నడుం బిగించాం: కేసీఆర్

• పెండింగ్‌ ప్రాజెక్టులను పూర్తి చేశాం.

• కాళేశ్వరం ప్రాజెక్టును కొత్తగా కట్టుకున్నాం.

• మిషన్‌ భగీరథ, మిషన్‌ కాకతీయ చేపట్టాం.

• రైతులను కడుపులో పెట్టుకుని చూసుకున్నాం.

• దేశంలోనే ఎక్కడా లేని రైతుబంధు అమలు చేశాం.

తెలంగాణకు నెంబర్‌ వన్‌ విలన్‌ కాంగ్రెస్‌: కేసీఆర్‌

• చంద్రబాబు ఆనాడు తెలంగాణ పదం ఎత్తకుండా చేశారు.

• ఆనాడు కాంగ్రెస్‌ వాళ్లు పదవులు కోసం నాటకాలాడారు.

• తెలంగాణ కోసం ఎన్నో త్యాగాలు చేశాం.

• తెలంగాణ ఇవ్వకుండా 14 ఏళ్లపాటు వేధించారు.

• కాంగ్రెస్‌ మెడలు వంచేందుకు కేంద్రమంత్రి పదవికి రాజీనామా చేశా.

• రాష్ట్రంలో మంత్రి పదవులకు రాజీనామాలు చేశాం.

• దేశంలో ఉన్న అనేక పార్టీలను కూడగట్టాం.

• కాంగ్రెస్‌ పార్టీ గొంతు పట్టుకున్నాం.

• విధిలేని పరిస్థితుల్లో కాంగ్రెస్‌ దిగివచ్చి తెలంగాణ ప్రకటించింది.

వలసవాదుల విషకౌగిలిలో నలిగిపోతున్న నా భూమికి.. విముక్తి కలిగించాలని భావించా: కేసీఆర్‌

• 1969లో మూగబోయిన ఉద్యమానికి ఊపిరి పోసింది BRS.

• పార్టీ ఆవిర్భావం తెలంగాణ భవిష్యత్‌నే మార్చేసింది.

• ఉద్యమం నుంచి వెనక్కి మళ్లితే.. నన్ను రాళ్లతో కొట్టిచంపండి అని ఆనాడు చెప్పా.

• ఎత్తిన జెండా ప్రాణం పోయినా దించకూడదని నిర్ణయం తీసుకున్నా.

పహల్గామ్‌ ఉగ్రదాడి మృతులకు BRS రజతోత్సవ సభ నివాళులు

• కశ్మీర్‌లో ముష్కరులు మనదేశ ప్రజలపై దాడి చేశారు: కేసీఆర్‌

• ఉగ్రవాదుల దాడిలో అమాయకులు చనిపోయారు.

• కన్నతల్లి, జన్మభూమిని మించి వేరేమీ లేదు.

• అందుకే ఆరోజు తెలంగాణ కోసం ఒక్కడిగా బయల్దేరా.

• ఉద్యమ సమయంలో ఎన్నో అవమానాలు భరించాం.

వరంగల్ : ఎల్కతుర్తి సభ సమీపంలో లో మజ్జిగ ప్యాకెట్ల బ్యాగ్‌ల కోసం ఎగబడ్డ జనం

• వ్యాన్ నుండి మజ్జిగ ప్యాకెట్ల బస్తాలని లాక్కెళ్లిన వైనం

• జనం ఎగబడటం తో చేతుల్లేస్తిన నిర్వాహకులు

ఎల్కతుర్తి: బీఆర్ఎస్ రజతోత్సవ సభ

• సభా ప్రాంగణానికి చేరుకున్న బీఆర్ఎస్ అధినేత కేసీఆర్ హెలికాప్టర్

• ఇప్పటికే సభ వేదికపైకి చేరుకున్న కేటీఆర్, హరీష్ రావు, కవిత, బీఆర్ఎస్ నేతలు

• సభకు రాష్ట్రం నలుమూలల నుంచి హాజరైన ప్రజానీకం

వరంగల్ : బీఆర్ఎస్ రజతోత్సవ సభకు ట్రాఫిక్ ఇక్కట్లు

• హనుమకొండ దేవన్నపేట టోల్ గేట్ దగ్గర భారీగా ట్రాఫిక్ జాం

• వరంగల్ - ఎల్కతుర్తి మధ్య ఐదు కిలోమీటర్ల మేర నిలిచిన వాహనాలు

• మధ్యలో ఎస్పారెస్పీ కెనాల్ వంతెనలు, రైల్వే ఆర్వోబీ దగ్గర ట్రాఫిక్ జామ్

• కార్లు వదలి బైక్ మీద సభకు చేరుకుంటున్న నేతలు

• కారు మధ్యలోనే వదిలి బైక్ పై సభకు వెళ్లిన హనుమకొండ జిల్లా బీఆర్ఎస్ అధ్యక్షుడు దాస్యం వినయ్ బాస్కర్

• ఇక్కట్లు పడుతున్న కార్యకర్తలు

ఎర్రవల్లి ఫాంహౌస్‌ నుంచి ఎల్కతుర్తికి బయల్దేరిన కేసీఆర్‌

• కాసేపట్లో ఎల్కతుర్తి బహిరంగ సభ హెలిప్యాడ్‌కు కేసీఆర్‌

• సా.6.15 నుంచి 6.45 వరకు BRS ముఖ్య నేతలతో భేటీకానున్న కేసీఆర్‌

• రాత్రి 7 గంటలకు రజతోత్సవ సభలో కేసీఆర్‌ ప్రసంగం

హన్మకొండ: కాసేపట్లో ఎల్కతుర్తిలో BRS రజతోత్సవ సభ

• రజతోత్సవ సభకు భారీగా తరలివస్తున్న BRS శ్రేణులు

• వరంగల్‌-ఎల్కతుర్తి మధ్య 4 కి.మీ. మేర స్తంభించిన ట్రాఫిక్‌

హనుమకొండ : బీఆర్ఎస్ రజతోత్సవ సభకు ట్రాఫిక్ ఇక్కట్లు

• ముందే హెచ్చరించిన ఏబీఎన్

• ఎల్లాపూర్ ఆర్వోబీ దగ్గర భారీగా ట్రాఫిక్ జాం

• నాలుగు కిలో మీటర్ల మేర నిలిచిన వాహనాలు

• సభా ప్రారంభమైనా మూడొంతుల ప్రాంగణం ఖాళీగానే దర్శనం

కరీంనగర్‌: హుజూరాబాద్‌ అంబేద్కర్‌ చౌరస్తా దగ్గర ట్రాఫిక్‌ జామ్‌

• BRS రజతోత్సవ సభకు వెళ్తున్న వాహనాలతో రద్దీ

• హుజూరాబాద్‌ మీదుగా ఎల్కతుర్తి BRS రజతోత్సవ సభకు..

• నిజామాబాద్‌, ఆదిలాబాద్‌, కరీంనగర్‌ జిల్లాల BRS శ్రేణులు

హనుమకొండ : ట్రాఫిక్‌లో చిక్కుకున్న మాజీ మంత్రి..

• ఎల్కతుర్తి సభకు వస్తుండగా ట్రాఫిక్ లో చిక్కుకున్న మాజీ మంత్రి సబితా ఇంద్రారెడ్డి

• పోలీసులు చేరుకుని ట్రాఫిక్ క్లియర్ చేయటం తో బయటకు వెళ్లిన సబితా ఇంద్రారెడ్డి

యాదాద్రి : హైదరాబాద్- వరంగల్ హైవే పై వాహనాల సందడి

• బీబీనగర్ గూడూరు టోల్ ప్లాజా వద్ద భారీగా వాహనాలు.

• కిలోమీటర్ మేర ట్రాఫిక్ జామ్.

• వరంగల్ బిఆర్ఎస్ సభకు భారీగా తరలి వెళ్తున్న వాహనాలు.

హనుమకొండ : తేనెటీగల దాడి..

• ఎల్కతుర్తి వనవిహార్ వద్ద బీఆర్ఎస్ సభకు వచ్చే కార్యకర్తలపై తేనెటీగల దాడి.

• పరుగులు తీసిన బీఆర్ఎస్ కార్యకర్తలు.

• 30 మంది కి గాయాలు.

నిర్మల్ జిల్లా: బీఆర్ఎస్ బహిరంగ సభకు 50బస్సుల్లో బయలుదేరిన కార్యకర్తలు.

బీఆర్ఎస్(టీఆర్ఎస్) ఏర్పాటై 24 వసంతాలు పూర్తై.. 25 సంవత్సరంలోకి అడుగుపెడుతున్న సందర్భంగా ఆ పార్టీ సిల్వర్ జూబ్లీ వేడుకలను ఘనంగా నిర్వహిస్తున్నారు. ఇందులో భాగంగా హన్మకొండ జిల్లాలోని ఎల్కతుర్తిలో భారీ బహిరంగ ఏర్పాటు చేశారు. ఆదివారం జరుగుతున్న ఈ సభకు గులాబీ పార్టీ శ్రేణులు భారీ ఎత్తున తరలి వెళ్తున్నారు. రాష్ట్రంలోని నలు మూలల నుంచి బీఆర్ఎస్ నాయకులు, పార్టీ కార్యకర్తలు, అభిమానులు భారీగా సభకు తరలి వెళ్తున్నారు. బీఆర్ఎస్ పబ్లిక్ మీటింగ్ లైవ్ అప్‌డేట్స్ మీకోసం..