IPL 2025 MI vs GT: ఇరు జట్లకు కీలక ఆటగాళ్లు దూరం.. గేమ్ ఛేంజర్స్ వీళ్లే..
ABN , Publish Date - May 30 , 2025 | 06:03 PM
గత రెండు నెలలుగా క్రికెట్ అభిమాలను అలరిస్తున్న ఐపీఎల్ క్లైమాక్స్కు చేరుకుంది. ఇక, మరో మూడు మ్యాచ్లు మాత్రమే మిగిలి ఉన్నాయి. ఈ నేపథ్యంలో కీలకమైన ఎలిమినేటర్ మ్యాచ్ జరగబోతోంది. ముల్లాన్పూర్ స్టేడియంలో ముంబై ఇండియన్స్, గుజరాత్ టైటాన్స్ జట్ల మధ్య కీలక మ్యాచ్ జరగబోతోంది
గత రెండు నెలలుగా క్రికెట్ అభిమాలను అలరిస్తున్న ఐపీఎల్ (IPL 2025) క్లైమాక్స్కు చేరుకుంది. ఇక, మరో మూడు మ్యాచ్లు మాత్రమే మిగిలి ఉన్నాయి. ఈ నేపథ్యంలో కీలకమైన ఎలిమినేటర్ మ్యాచ్ జరగబోతోంది. ముల్లాన్పూర్ స్టేడియంలో ముంబై ఇండియన్స్, గుజరాత్ టైటాన్స్ జట్ల మధ్య కీలక మ్యాచ్ జరగబోతోంది (GT vs MI). ఈ మ్యాచ్లో గెలిచిన జట్టు ఆదివారం జరగబోయే క్వాలిఫయర్కు అర్హత సాధిస్తుంది. ఓడిన జట్టు ఇంటి బాట పడుతుంది.
ఈ మ్యాచ్లో తలపడుతున్న ముంబై ఇండియన్స్, గుజరాత్ టైటాన్స్ జట్లు కీలక ఆటగాళ్ల సేవలు కోల్పోతున్నాయి. ఇంగ్లండ్ ఆటగాళ్లు తమ అంతర్జాతీయ మ్యాచ్ల కోసం స్వదేశానికి పయనమయ్యారు. ఈ నేపథ్యంలో ముంబై ఇండియన్స్ జట్టుకు రికెల్టన్, విల్ జాక్స్ దూరం కాబోతున్నారు. రికెల్టన్ స్థానంలో జానీ బెయిర్ స్టో ఆడబోతున్నాడు. ఛరిత్ అశలంక కూడా ఆడే అవకాశం కనబడుతోంది. బౌలింగ్ విభాగం మాత్రం ఎప్పటిలాగానే పటిష్టంగానే ఉంది. బుమ్రా, బౌల్ట్, ఛాహర్ త్రయం ప్రత్యర్థులను ముప్పుతిప్పలు పెడుతోంది.
ఇక, గుజరాత్ టైటాన్స్ జట్టు కీలక బ్యాటర్ జాస్ బట్లర్ ఇంగ్లండ్ వెళ్లిపోయాడు. గుజరాత్కు బట్లర్ అత్యంత కీలక ఆటగాడు. అతడు దూరం కావడంతో అతడి స్థానంలో కుషాల్ మెండిస్ ఆడే అవకాశాలు కనబడుతున్నాయి. బట్లర్ దూరం కావడంతో ఓపెనర్లు సాయి సుదర్శన్, శుభ్మన్ గిల్ మీద మరింత ఒత్తిడి పెరగనుంది. ఇక, బౌలింగ్ విభాగంలో మహ్మద్ సిరాజ్, రబాడా, ప్రసిద్ధ్ కృష్ణ, రషీద్ ఖాన్ చక్కగా రాణిస్తున్నారు.
తుది జట్లు:
ముంబై ఇండియన్స్ (అంచనా): రోహిత్ శర్మ, జానీ బెయిర్ స్టో, ఛరిత్ అశలంక, సూర్యకుమార్ యాదవ్, తిలక్ వర్మ, హార్దిక్ పాండ్యా, నమన్ ధీర్, మిచెల్ శాంట్నర్, దీపక్ ఛాహర్, ట్రెంట్ బౌల్ట్, జస్ప్రీత్ బుమ్రా
గుజరాత్ టైటాన్స్ (అంచనా): సాయి సుదర్శన్, శుభ్మన్ గిల్, కుషాల్ మెండిస్, రూథర్ఫర్డ్, రాహుల్ తెవాటియా, షారూక్ ఖాన్, రషీద్ ఖాన్, సాయి కిశోర్, కోయేట్జ్, ప్రసిద్ధ్ కృష్ణ, సిరాజ్
ఇవి కూడా చదవండి..
చేతులెత్తేసిన పంజాబ్ బ్యాటర్లు.. ఆర్సీబీ ముందు స్వల్ప టార్గెట్
టెస్ట్ క్రికెట్కు రిటైర్మెంట్ గురించి ప్రశ్నించిన భజ్జీ కూతురు.. కోహ్లీ రిప్లై ఏంటంటే..
మరిన్ని క్రీడా, తెలుగు వార్తల కోసం క్లిక్ చేయండి
