Prathyekam: పని తర్వాత కూడా మీకు ఆందోళనగా ఉందా.. ఇలా చేయండి

ఉద్యోగం తర్వాత కూడా కొంతమంది ఆందోళనగానే ఉంటారు. ఇంటికి వచ్చిన వారికి మనశాంతి ఉండదు. అలా టెన్షన్ పడకుండా బదులుగా మీరు చురుకైన జీవితాన్ని గడపాలి. మీరు పని నుండి తిరిగి వచ్చిన తర్వాత కొంచెం విశ్రాంతి తీసుకొని తర్వాత వాకింగ్ లేదా జిమ్‌కి వెళ్లండి. అప్పుడే మీ శరీరం ఆరోగ్యంగా ఉండటంతో పాటు మనసు కూడా ప్రశాంతంగా మారుతుంది.

ఇష్టమైనది చేయండి

ఆఫీసు నుండి ఇంటికి వచ్చిన తర్వాత మీకు ఇష్టమైనది చేయండి. సంగీతం వినడం, పాడటం, పుస్తకాలు చదవడం, చిత్రాలు గీయడం లాంటి పని ఏదైన సరే మీకు నచ్చినది చేయండి. వీలైతే మీ స్నేహితులతో కాసేపు గడపండి. అప్పుడు మీరు టెన్షన్ నుండి ఫ్రీ అవుతారు.

పని-జీవిత సమతుల్యతను కనుగొనండి.

రోజంతా పనిలో మునిగిపోకండి. బదులుగా, పని-జీవిత సమతుల్యతను కనుగొనండి. అప్పుడే మీ మనస్సు నుండి ఆందోళన తొలగిపోతుంది. మీరు నిరుత్సాహంగా ఉంటే లేదా పని ఒత్తిడిని తట్టుకోలేకపోతే, మీకు దగ్గరగా ఉన్న వ్యక్తులతో ఆ విషయాన్ని చర్చించండి. అవసరమైతే నిపుణుల సలహా తీసుకోండి. అప్పుడే మీరు రిలాక్స్‌డ్ గా ఉంటారు.

Also Read: 'ప్రేమికుల దినోత్సవం' చరిత్ర తెలిస్తే మీ కళ్ళలో నీళ్ళు తిరుగుతాయి..