Diwali surprise: ఉదయం ఆఫీస్‌కు వెళ్లిన ఉద్యోగులకు షాక్.. దీపావళి బహుమతులు ఏంటంటే..

దీపావళి పండుగ సమీపిస్తున్న కొద్దీ పలు కార్పొరేట్ కంపెనీలు తమ ఉద్యోగులను సంతోషపెట్టడానికి పోటీ పడుతున్నాయి. కొందరు బోనస్‌లను అందిస్తే, మరికొందరు దీపావళి బహుమతులతో ఉద్యోగులను సంతోషపరుస్తున్నారు. ఈ నేపథ్యంలో తాజాగా ఓ కార్పొరేట్ కంపెనీ అందించిన బహుమతులు దాని ఉద్యోగులను ఆశ్చర్యపరిచాయి. సదరు కంపెనీ సోషల్ మీడియాలో ప్రశంసలను కూడా పొందుతోంది. (Diwali gifts viral video).

ఈ వైరల్ వీడియో ఒక కార్పొరేట్ కంపెనీకి చెందినదిగా కనిపిస్తోంది. వైరల్ అవుతున్న ఆ వీడియోలో ఓ ఆఫీస్‌లో ఉద్యోగుల సీట్లపై బహుమతులతో కూడిన ట్రాలీ బ్యాగులను చూడవచ్చు. కంపెనీ ప్రతి ఉద్యోగి సీటుపై దీపావళి బహుమతులను ఉంచింది. వాటితో పాటు ఓ స్వీట్ ప్యాకెట్‌ను కూడా ఇచ్చింది. ఉద్యోగులు ఉదయం ఆఫీస్‌కు వచ్చే ముందే బహుమతులు వారి సీట్లపై ఉంచి వారికి సర్‌ప్రైజ్ ఇచ్చారు. ఈ వీడియోను @itsmeee_arushi అనే ఇన్‌స్టాగ్రామ్ యూజర్ సోషల్ మీడియాలో షేర్ చేశారు (Diwali 2025 gifts).

ఈ వీడియో సోషల్ మీడియాలో విపరీతంగా షేర్ అవుతోంది (employee benefits). ఈ వీడియోను ఇప్పటివరకు దాదాపు రెండు కోట్ల మంది వీక్షించారు. 6 లక్షల మందికి పైగా ఈ వీడియోను లైక్ చేసి తమ స్పందనలను తెలియజేశారు. సదరు కంపెనీ యాజమాన్యంపై ప్రశంసలు కురిపించారు. నాకు ఆ ఆఫీస్‌లో జాయిన్ కావాలని ఉందని ఒకరు కామెంట్ చేశారు. దీపావళి సందర్భంగా తమ కంపెనీ ఉద్యోగులను తొలగించిందని ఒకరు పేర్కొన్నారు. ఆ కంపెనీలో ఖాళీలు ఉంటే తనకు చెప్పాలని మరొకరు అడిగారు.

ఇవి కూడా చదవండి..

వామ్మో.. మాజీ ప్రియుడిపై ఇలా కూడా పగ తీర్చుకుంటారా? ఏం జరిగిందంటే..

మీ తెలివికి పరీక్ష.. ఈ ఫొటోలో ఏనుగు ఎక్కడుందో 5 సెకెన్లలో కనిపెట్టండి..

మరిన్ని ప్రత్యేక వార్తలు కోసం క్లిక్ చేయండి..