Viral Jugaad Video: ఈ ఆంటీ తెలివికి ఫిదా కావాల్సిందే.. గిన్నెలను క్లీన్ చేయడానికి కొత్త టెక్నిక్ చూడండి..

మన దేశంలో సామాన్య పౌరులు కూడా కొత్త కొత్త ప్రయోగాలు చేస్తుంటారు. పెద్ద పెద్ద చదువులు చదువుకోలేకపోయినా క్లిష్టమైన సమస్యలకు సులభమైన పరిష్కారాలు కనిపెడుతుంటారు. ముఖ్యంగా ఈ విషయంలో గృహిణులు ముందుంటారు. తమ రోజువారీ జీవితంలో ఎదురయ్యే సమస్యలను చాలా సులభంగా పరిష్కరిస్తుంటారు. ఇప్పటికే అలాంటి ఎన్నో జుగాడ్ వీడియోలు (Jugaad videos) చాలా మందిని ఆకట్టుకున్నాయి. తాజాగా అలాంటిదే మరో వీడియో నెట్టింట హల్‌‌చల్ చేస్తోంది. ఆ వీడియోలో ఓ మహిళ గిన్నెలను (Dish Washing) క్లీన్ చేయడానికి కొత్త టెక్నిక్ కనుగొంది.

kismat191970 అనే ఇన్‌స్టాగ్రామ్ హ్యాండిల్‌లో ఈ వీడియో (Viral Video) షేర్ అయింది. వైరల్ అవుతున్న ఆ వీడియో ప్రకారం.. ఓ మహిళ గిన్నెలను తోమడానికి వాషింగ్ మెషిన్‌ను (Waching machine) ఉపయోగిస్తోంది. సాధారణంగా వాషింగ్ మెషిన్‌ను బట్టలు ఉతకడానికి ఉపయోగిస్తారు. అయితే ఈ వీడియోలోని మహిళ వాషింగ్ మెషిన్ సహాయంతో గిన్నెలను క్లీన్ చేస్తోంది. వాషింగ్ మెషిన్‌లో గిన్నెలను వేసి, వాటిపై లిక్విడ్ వేసి మెషిన్ ఆన్ చేసింది. బట్టలను ఉతికినట్టే ఆ మెషిన్ గిన్నెలను కూడా క్లీన్ చేయడం ఆ వీడియోలో కనిపిస్తోంది. ఆ వీడియోను సోషల్ మీడియాలో పోస్ట్ చేశారు.

ఆ వీడియో ప్రస్తుతం సోషల్ మీడియాలో వైరల్ అవుతోంది. ఆ వైరల్ వీడియోను ఇప్పటివరకు దాదాపు ఐదు లక్షల మంది వీక్షించారు. 41 వేల మందికి పైగా ఆ వీడియోన లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ఈ వాషింగ్ మెషిన్ ఎంతో కాలం పని చేయదని ఒకరు కామెంట్ చేశారు. వాషింగ్ మెషిన్‌ను ఇలా పాడు చేసే బదులు డిష్ వాషర్ కొనుక్కుంటే సరిపోతుంది కదా అని మరొకరు సూచించారు. ఆ శబ్దం ఊరు మొత్తానికి వినబడుతుందని మరొకరు పేర్కొన్నారు.

ఇవి కూడా చదవండి..

ఒళ్లు గగుర్పొడిచే వీడియో.. ఒకేసారి రెండు కప్పలను మింగిన పాము పరిస్థితి చూడండి..

ఈ మంచులో కుక్క ఎక్కడుందో 20 సెకెన్లలో కనిపెడితే.. మీ కళ్లకు తిరుగులేదు..

మరిన్ని ప్రత్యేక వార్తలు కోసం క్లిక్ చేయండి..