Monsoon Health Tips: వర్షాకాలంలో ఈ కూరగాయలు కొంటున్నారా.. అయితే జాగ్రత్త..
ABN, Publish Date - Jul 04 , 2025 | 07:05 AM
వర్షాకాలం అనేక రకాల ఇన్షెక్షన్లు వెంటాడుతుంటాయి. దీంతో ఈ సీజన్‌లో ఎన్నో జాగ్రత్తలు తీసుకోవాల్సి ఉంటుంది. ముఖ్యంగా ఆహారం విషయంలో మరింత జాగ్రత్తగా ఉండాలి. వర్షాకాలంలో కొన్ని ఆహార పదార్థాల విషయంలో అప్రమత్తంగా ఉండాలి.
1/6
వర్షాకాలం అనేక రకాల ఇన్షెక్షన్లు వెంటాడుతుంటాయి. దీంతో ఈ సీజన్‌లో ఎన్నో జాగ్రత్తలు తీసుకోవాల్సి ఉంటుంది. ముఖ్యంగా ఆహారం విషయంలో మరింత జాగ్రత్తగా ఉండాలి. వర్షాకాలంలో కొన్ని ఆహార పదార్థాల విషయంలో అప్రమత్తంగా ఉండాలి. ముఖ్యంగా కూరగాయలు కొనేటప్పుడు ఈ తప్పులు మాత్రం చేయకండి. అవేంటో ఇప్పుడు తెలుసుకుందాం.
2/6
వర్షాకాలంలో పాలకూర, మెంతికూర వంటి వంటి ఆకుకూరలను ఎంత శుభ్రం చేసినా.. అందులో సూక్ష్మజీవులు అలాగే ఉంటాయి. ఇలాంటివి తినడం వల్ల ఉబ్బరం, వాంతులు, విరేచనాలు తదితర సమస్యలు తలెత్తుతాయి. కాబట్టి వీటిని కొనే సమయంలో జాగ్రత్తలు తీసుకోవాలి.
3/6
క్యాబేజీ, కాలీఫ్లవర్ పొరల మధ్య తేమ, బ్యాక్టీరియా, ఫంగస్ పేరుకుపోయి ఉంటుంది. వీటిని తప్పనిసరిగా కొనాలనుకున్నప్పుడు.. ఉప్పు నీటితో శుభ్రం చేసుకోవడం మంచిది.
4/6
వర్షాకాలంలో పుట్టగొడుగులు కొనేటప్పుడు కూడా జాగ్రత్తగా ఉండాలి. సరిగ్గా శుభ్రం చేయని పుట్టగొడుగులు తింటే ఫుడ్ పాయిజనింగ్ అయ్యే ప్రమాదం ఉంటుంది.
5/6
వర్షాకాలంలో బంగాళాదుంపలు త్వరగా మొలకెత్తుతాయి. కాబట్టి వీటిని కొనే సమయంలోనే జాగ్రత్తలు తీసుకోవాల్సి ఉంటుంది. ముఖ్యంగా నిల్వ చేసే విధానం సరిగ్గా ఉండాలి.
6/6
వర్షాకాలంలో కూరగాయలను వేడి నీరు, ఉప్పు నీరు లేదా వెనిగర్‌తో శుభ్రం చేయడం వల్ల బ్యాక్టీరియా తొలగిపోతుంది. అలాగే కొనే ముందు అవి తాజాగా ఉన్నాయా, లేదా అనేది కూడా సరిచూసుకోవాలి.
Updated at - Jul 04 , 2025 | 07:05 AM
