Summer Health Tips: వేసవిలో ఈ 5 టిప్స్ ఫాలో అయితే.. అసిడిటీ సమస్య దూరమైనట్లే..
ABN, Publish Date - Apr 25 , 2025 | 03:14 PM
వేసవిలో శరీర ఉష్ణోగ్రత పెరగడం వల్ల అనేక అనారోగ్య సమస్యలు ఎదురవుతుంటాయి. వీటిలో అసిడిటీ సమస్య ఒకటి. గుండెల్లో మంట, అజీర్ణం తదితర సమస్యలతో చాలా మంది ఇబ్బంది పడుతుంటారు.
1/7
వేసవిలో శరీర ఉష్ణోగ్రత పెరగడం వల్ల అనేక అనారోగ్య సమస్యలు ఎదురవుతుంటాయి. వీటిలో అసిడిటీ సమస్య ఒకటి. గుండెల్లో మంట, అజీర్ణం తదితర సమస్యలతో చాలా మంది ఇబ్బంది పడుతుంటారు. ఈ సమస్య నివారణకు చాలా మంది మందులు తీసుకుంటుంటారు. అయితే మందులు వాడకుండా కేవలం ఇంట్లో దొరికే కొన్ని వస్తువులతో ఈ సమస్యకు ఎలా చెక్ పెట్టాలో ఇప్పుడు తెలుసుకుందాం..
2/7
గుండెల్లో మంటగా ఉన్న సమయంలో చక్కెర లేని చల్లని పాలు తాగడం వల్ల ఉపశమనం కలుగుతుంది. పాలలోని కాల్షియం కడుపు లోపలి పొరను చల్లబరుస్తుంది.
3/7
మజ్జిగలోని ప్రోబయోటిక్ పేగు ఆరోగ్యాన్ని మెరుగుపరుస్తుంది. మజ్జిగలో వేయించిన జీలకర్ర, నల్ల ఉప్పు కలిపి తీసుకోవడం వల్ల అసిడిటీ సమస్య నుంచి ఉపశమనం కలుగుతుంది. అలాగే శరీరం కూడా చల్లగా ఉంటుంది.
4/7
కొబ్బరి నీరు శరీరంలోని పీహెచ్ స్థాయిలను సమతుల్యం చేస్తాయి. అలాగే శరీరం నుంచి విషాన్ని బయటికి పంపడంలో సాయం చేస్తాయి.
5/7
కడుపులోని వేడిని చల్లబరచడంలో జీలకర్ర బాగా పని చేస్తుంది. రోజూ భోజనం తర్వాత కొద్దిగా చక్కెర, జీలకర్ర నమలడం వల్ల ఆసిడిటీ సమస్య తగ్గడంతో పాటూ జీర్ణక్రియ కూడా మెరుగుపడుతుంది.
6/7
నిమ్మకాయలోని సిట్రిక్ ఆమ్లం కడుపులో ఆమ్ల సమతుల్యతను కాపాడుతుంది. గోరు వెచ్చని నీటిలో నిమ్మరసం, సముద్రపు ఉప్పు కలిపి తాగడం వల్ల జీర్ణక్రియ మెరుగుపడుతుంది.
7/7
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated at - Apr 25 , 2025 | 03:14 PM
