ఆంధ్రజ్యోతి మెగా డ్రా.. విజేతలకు మంత్రి పొంగులేటి విషెస్

ఆంధ్రజ్యోతి కార్ అండ్ బైక్ రేస్ లక్కీడ్రాలో విజేతలను శనివారం నాడు ఎంపిక చేశారు. హైదరాబాద్‌లోని జూబ్లీహిల్స్ ఆంధ్రజ్యోతి ప్రధాన కార్యాలయంలో జరిగిన లక్కీ డ్రాలో ఆంధ్రజ్యోతి సంస్థల ఎండీ వేమూరి రాధాకృష్ణతో పాటు ముఖ్య అతిథిగా మంత్రి పొంగులేటి శ్రీనివాసరెడ్డి పాల్గొన్నారు. డ్రా తీసి మంత్రి విజేతలను ఎంపిక చేశారు. బహుమతి గెలుచుకున్న పాఠకులకు మంత్రి పొంగులేటి శ్రీనివాసరెడ్డి ఫోన్ చేసి అభినందనలు తెలిపారు. ఆంధ్రజ్యోతి ఎంతో ప్రతిష్ఠాత్మకంగా గత 23 ఏళ్లుగా ఈ కార్యక్రమం నిర్వహిస్తుందని మంత్రి పొంగులేటి పేర్కొన్నారు.