Jagannath Rath Yatra 2025: ప్రారంభమైన పూరీ జగన్నాథుడి రథయాత్ర

ఒడిశాలోని పూరీలో జగన్నాథుడి రథయాత్ర ప్రారంభమైంది. ఈ రథయాత్రలో పాల్గొనేందుకు దేశ విదేశాలను జగన్నాథుడి భక్తులు పూరీ చేరుకున్నారు. దీంతో పూరీ వీధులన్నీ భక్తులతో నిండిపోయాయి. ఈ వేడుక కోసం ఒడిశా ప్రభుత్వం ఏర్పాట్లు చేసింది. ఈ రథయాత్ర జూన్ 27వ తేదీన మొదలై.. జులై 8వ తేదీన ముగ్గురు దేవతలు తమ ప్రధాన మందిరానికి తిరిగి రావడంతో ముగుస్తుంది. 12వ శతాబ్దం నుంచి నేటి వరకు ప్రతి ఏటా పూరీ జగన్నాథుని రథయాత్ర అంగరంగ వైభవంగా ఇలానే జరుగుతూ వస్తుంది.