అరసవల్లిలో వైభవంగా రథసప్తమి వేడుకలు

శ్రీకాకుళం: అరసవల్లి సూర్యనారాయయణ స్వామి దేవాలయంలో రథసప్తమి వేడుకలు వైభవంగా జరుగుతున్నాయి. దేవాదాయశాఖ ప్రిన్సిపల్ సెక్రటరీ వినయ్ చంద్ స్వామివారికి పట్టు వస్త్రాలు సమర్పించారు. కేంద్రమంత్రి రామ్మోహన్ నాయుడు కుటుంబసభ్యులతో కలిసి స్వామివారి నిజరూప దర్శనం చేసుకున్నారు. అలాగే పలువురు ప్రముఖులు కూడా స్వామివారిని దర్శించుకుని ప్రత్యేక పూజలు నిర్వహించారు. ఉదయం 7 గంటల నుంచి సాయంత్రం 4 గంటల వరకు స్వామివారి నిజరూప దర్శనం భక్తులకు కల్పిస్తున్నారు.